CAMELIAS MASCOTAS

Escolas de portas abertas: Colexio Montesol

Publicado o por

No barrio de Coia atopamos este centro plurilingüe xestionado por unha cooperativa que oferta os tres niveis educativos básicos: infantil, primaria e ESO. A xornada escolar é de mañá, continuando de xeito voluntario con actividades extraescolares pola tarde. Ademais, este colexio atende en horario extraescolar aos alumnos con dificultades de aprendizaxe ou que precisen reforzar en algunhas materias ou técnicas de estudo.

REVISTA NOVEMBRO

Entre os proxectos educativos do centro cabe destacar o proxecto Reinvent The Classroom (RTC), que implica unha transformación tecnolóxica. O obxectivo é desenvolver habilidades e competencias actuais no alumnado, outorgando o pleno acceso ás novas tecnoloxías e, así, ao coñecemento global.

O colexio dispón ademais de servizo de comedor con cociña propia, transporte escolar, aula matinal e gabinete psicopedagóxico con especialistas. Para as novas matriculacións estanse a realizar xornadas de portas abertas mediante cita previa, e así pasar a coñecer máis a fondo as instalacións deste espazo educativo.

Lourdes Tomé
Redactora

The following two tabs change content below.
My Instagram profile

Lourdes Tomé

Educadora Infantil e Educadora Certificada en Disciplina Positiva pola Asociación Española e Americana. É ademais nai de dous pequenos que, segundo di, son os que a fan medrar e aprender cada día. Encántalle a natureza e viaxar aínda que a súa maior paixón son os nenos e a infancia como demostra no seu blog Little Scaler, onde aposta pola crianza respectuosa e amosa que criar sen berros e sen castigos e posible.