No derradeiro domingo de agosto, coma nos anos anteriores e xa van trinta e tres,
celébrase no parque forestal de Cotogrande (rúa Becerreira), na parroquia de Cabral, a ROMARÍA DO PAN DE MILLO, que está recoñecida pola Xunta de Galicia como Festa
Gastronómica, ademáis a Consellaría de Cultura e Turismo inscribiuna coma unha
actividade turística. Esta Romaría naceu no ano 1986 a partires da iniciativa e inquietude
dun grupo de veciños para exaltar este producto específico da nosa terra Galega e que tan
ben se da no barrio e, que xunto con outros productos da terra, son expostos
para ledicia e bon ver dos milleiros de persoas que asisten, e van en aumento, cada ano
a este evento.

Durante a xornada festiva ofrécese ó público unha degustación de sardiñas asadas e
polbo, xunto co producto estrela da festa: O PAN DE MILLO. O numeroso público asistente pode disfrutar da música e do baile tradicional coas actuacións de:

Pola mañan:

Grupo tradicional Xuntanza e Banda de música Unión musical de Cabral.

De tarde:

Grupo de canto Loureiro Verde e grupo de gaitas Cotogrande do C.C.R.Cabral, e para rematar Grupo de folk Vellos Ventos, tamén temos festa coa música para bailar do D.J Alberto.

A festa transcurre ó longo do día, está adicada a todos aqueles que queren disfrutar dun bonito día de ocio ó aire libre, así como os amantes do monte e o agro, nesta ocasión, espérase ter moita sorte e poder contar cun gran número de asistentes, e a cantidade de persoas que queden a comer no monte aumente. Tamén se espera que o tempo axude, aparecendo un día soleado e con calor, non coma noutros anos nos que o día foi inestable.

Os asistentes non tiñan un límite nas idades nin condición social, pois achégaronse familias enteiras. Como se mencionou anteriormente celébrase o domingo 25 de agosto, comenzando a súa andaina ao redor das dez da mañá, prolongándose ata as dez da noite, máis ou menos.

Durante a xornada festiva ofrécese ao público unha degustación de sardiñas asadas
(1.900kg) a 4€/ración (4 sardiñas, plato e o produto estrela da festa: O PAN DE MILLO),
ademáis haberá, para a venda, con pan de millo (1.900kg) normal a 5,00€/kg, con pasas a 5,50€/kg, con noces e pasas a 6,00€/kg, bolas de trigo a 1,10€. Tamén, empanadas (3.000 kg), divididas en: empanadas de millo (xoubas, chocos, bonito, zamburiñas, bacallao…), empanadas de mezcla (zamburiña, xouba…) a 14€/kg, empanadas de trigo (berberecho, bonito, carne…), estas ao precio de 13€/kg. Podemos disfrutar dun bo viño da nosa terra (1.050 L) a 4€ a botella. Haberá cun pulpeiro para degustar o polbo á feira durante todo o día, así ninguén terá que quedar sen a súa ración de polbo (ata rematar existencias).

Tamén, as persoas asistentes poden disfrutar da gran “EXPOSICIÓN DOS PRODUCTOS DO CAMPO”, a cal é posible grazas a todos aqueles que nos achegan os seus mellores froitos colleitados nas suas hortas.

Haberá, ademáis, un sorteo dunha terneira ou 500€ (precio terneira) a través dunha rifa a 1,50€. Os sorteos faranse no recinto da festa. Na festa tamén hai hinchables para os máis cativos, diferentes xogos, e postos de doces. Cabe destacar que contaremos cun amplo aparcamento, totalmente gratuíto.