CAMELIAS MASCOTAS

De catro a catro

Publicado o por

Un, dous, tres… e catro. Esa é a cantidade de regalos de Nadal que os expertos recomendan para a rapazada. Cada vez son máis os estudos que indican que nestas se recibe un número excesivo de agasallos. Insistindo no contraproducente que iso pode resultar para a infancia, xorde a proposta para frear esas avalanchas de galanos e para aprender a regalar mellor, con obsequios que cubran unhas expectativas razoables. O obxectivo pode volverse verdadeiramente difícil, pois hai familias que parece que compiten por ver quen regala máis, quen fai o presente máis grande ou máis caro.

Desde estas verbas, animamos a seguir a regra dos catro regalos, que consiste en seleccionar catro cousas baseándose en catro principios:

1) algo para ler

2) algo para vestir

3) algo que se desexe

REVISTA NOVEMBRO

4) algo que se necesite

O Nadal é unha época da que a cativada pode gozar e aprender. Hai que facer ver que o máis importante non son os bens materiais, que non se deben regalar animais ou cousas que se acaben convertendo en lixo. É necesario que se vexa que que hai nenas e nenos que non teñen a fortuna de poder festexar estas datas nin recibir un agasallo; tamén debemos animar a que a nosa rapazada faga regalos, por exemplo, con xoguetes que xa non utilicen, que estean en boas condicións, para outros pequerrechos.

Lourdes Tomé
Redactora

The following two tabs change content below.
My Instagram profile

Lourdes Tomé

Educadora Infantil e Educadora Certificada en Disciplina Positiva pola Asociación Española e Americana. É ademais nai de dous pequenos que, segundo di, son os que a fan medrar e aprender cada día. Encántalle a natureza e viaxar aínda que a súa maior paixón son os nenos e a infancia como demostra no seu blog Little Scaler, onde aposta pola crianza respectuosa e amosa que criar sen berros e sen castigos e posible.