Terrae, o paraíso ecolóxico de Vigo
En maio fará seis anos que Marcelo e Dani abriron Terrae Orgánica na rúa Venezuela, unha tenda na que conviven bar e supermercado cun demnominador común, os produtos bio. Eran consumidores de produtos ecolóxicos desde había anos e foi nunha visita á Taskatenda de Salvaterra do Miño cando decidiron mudarse de Barcelona a Vigo e comezar unha nova aventura: un supermercado e espazo de degustación de produtos ecolóxicos.
A profesión previa de ambos socios está plasmada no local. Dani, técnico en alimentación, coñecía de primeira man a industria alimentaria, a cantidade de aditivos e ingredientes insáns que conteñen os produtos procesados das grandes superficies e o baño en pesticidas que reciben as froitas e verduras que poñemos nos nosos pratos. Marcelo, deseñador gráfico, imprimiu no local unha personalidade propia, convertendo un baixo da rúa Venezuela en algo moi parecido a un xardín en calma no que evadirse cunha infusión ecolóxica, un zume de froitas funcional e un anaco de biscoito caseiro.
Terrae é o supermercado ecolóxico máis grande da provincia de Pontevedra. Nos seus estantes atopamos, como non, froita e verdura fresca moi variada, toda ela libre de pesticidas, cargada de sabor e con orixe galega; polo e tenreira ecolóxicos, algo que ninguén máis ofrece en Vigo, e multitude de produtos que facilitan facer unha compra completa en Terrae, desde pan, a produtos de hixiene e deterxentes que non danan o medio ambiente. Ademais da tenda, Terrae é un lugar no que gozar comendo. Contan con 3 mesas na súa terraza e outras dúas resgardadas a carón da barra, nas que degustar almorzo, comida e merenda elaborados por eles mesmos con produtos que coidan da terra e das persoas.
Mentres a Covid nos mantén lonxe dos nosos restaurantes e bares favoritos, o servizo de take away é o mellor xeito de non privarnos dos seus produtos. En Terrae temos moitas opcións de pedidos. Por unha parte, podemos pedir que nos traian a compra a casa: froita e verdura, carne de polo e tenreira, lácteos, infusións, conservas, produtos de hixiene…a lista é longa. Por outra, calquera dos pratos preparados que saen do seu obrador artesanal, no que só se utilizan produtos procedentes da agricultura ecolóxica. A cesta de almorzo ou merenda pode pedirse a calquera hora do día e inclúe café, torradas, zume natural e iogur con muesli. Para a hora do xantar, elaboran ata dez pratos diferentes, que podemos combinar e degustar xunto a unha bebida e un doce do seu bar.
Terrae a domicilio
Os pedidos de supermercado se realizan por teléfono (986 115 550) ou WhatsApp (658 37 41 08) con opción de envío a domicilio (gratis a partir de 50€) ou recollida no local da rúa de Venezuela, 76. Tamén nos contan que dun momento a outro terán dispoñible a compra a través da súa web https://www.terraeorganica.com/. Realizan reparto con repartidor propio en Vigo e os concellos colindantes, desde Tui ata Redondela.
Os almorzos, xantares e merendas só se reparten en Vigo, previa reserva nos mesmos teléfonos e a través da plataforma de delivery Just Eat. O menú de pratos diarios pode consultarse diariamente nas súas contas de Facebook e Instagram.
Horario:
Luns: 10:00 – 16:00 h
Martes – Venres: 10:00 – 20:00 h
Sábado: 10:00 – 16:00 h
Paula Cermeño
Últimos posts de Paula Cermeño (ver todos)
- Extraescolares a calquera idade - 29 Agosto, 2024
- The Wild Fest, TerraCeo, Meu Fest e festas en Zamáns para pechar o mes de agosto - 28 Agosto, 2024
- Volve The Wild Cinema, o festival internacional de cine e ecoloxía de Vigo - 23 Agosto, 2024
- Os vigueses elixen a mellor hamburguesa de España a partir do xoves 22 - 19 Agosto, 2024
- Percorremos os oito novos murais de Vigo Cidade de Cor 2024 - 14 Agosto, 2024