CAMELIAS MASCOTAS

Escolas de portas abertas: Colexio Santa Cristina

Publicado o por

Vivimos nunha sociedade cambiante e en constante evolución. Necesitamos aprender habilidades e adaptarnos camaleonicamente para seguirmos avanzando. Isto téñeno moi presente no CPR Santa Cristina, centro privado concertado de ambiente familiar, que ofrece unha aprendizaxe baseada na estimulación temperá e no desenvolvemento das competencias necesarias para poder afrontar o futuro cos coñecementos precisos para medrar.

Abrangue un rango de idade dos 3 aos 16 anos. Desde o proxecto «Ensinar é aprender a vivir», aquí confíase firmemente na educación en valores, na liberdade e na responsabilidade, logrando alumnos autónomos, respectuosos, con confianza en si mesmos e conscientes da importancia do esforzo. Neste colexio, as tecnoloxías ocupan un lugar esencial nas comunicacións, por iso traballan o desenvolvemento de habilidades dixitais e o uso axeitado e responsable destes recursos.

REVISTA NOVEMBRO

O modelo pedagóxico deste colexio basease en dúas metodoloxías importantes: na aprendizaxe cooperativa e na aprendizaxe por proxectos; así como o desenvolvemento de intelixencias múltiples. Contan cun servizo madrugador, comedor e actividades extraescolares diversas. Ademais inician unha temporada de portas abertas para que, baixo cita previa, poidamos visitar o centro os luns e martes en horario entre as 16:15 e as 19:00 horas.

Portas abertas: Luns e martes de 16:15 a 19:00 horas con cita previa.

www.cprsantacristinavigo.com/
986 251 309
@cpr.santacristinavigo
Rúa Portela, 87

The following two tabs change content below.
My Instagram profile

Lourdes Tomé

Educadora Infantil e Educadora Certificada en Disciplina Positiva pola Asociación Española e Americana. É ademais nai de dous pequenos que, segundo di, son os que a fan medrar e aprender cada día. Encántalle a natureza e viaxar aínda que a súa maior paixón son os nenos e a infancia como demostra no seu blog Little Scaler, onde aposta pola crianza respectuosa e amosa que criar sen berros e sen castigos e posible.