CAMELIAS MASCOTAS

Recta final para participar no ‘crowdfunding’ da produtora local Islandia

Publicado o por

A produtora audiovisual viguesa Islandia Producciones, dirixida por Noemi Chantada e Óscar Pardo, afronta os últimos días de crowdfunding para financiar a súa próxima obra, Véxote. Unha curtametraxe de ficción en imaxe real e animación de 20 minutos de duración, que se atopa nestes momentos en estapa de produción. Podes participar premendo aquí.

Fotograma de Véxote, que se está a filmar nestes momentos | Islandia Producciones

Desde a súa creación hai seis anosa mans de Noemi Chantada e Óscar Pardo, Islandia Producciones produciron medio centenar de pezas cinematográficas, documentais ou televisivas. Ata a data os seus proxectos máis destacados son La mujer invisible, Sorrisos Transformadores e Xoves de Comadres, todos eles de temática social que tratan temas tan relevantes como a prostitución, a identidade de xénero ou a soidade na terceira idade. Esta última curta, Xoves de comadres, conseguiu unha candidatura aos Premios Mestre Mateo, outra aos premios Goya 2022 , unha Biznaga do Festival de Cinema de Málaga, sete candidaturas aos premios Pávez, catro premios na mesma edición do Festival de Cans e dous anos en catálogo de Movistar+. Para esta nova obra, Véxote, precisan da nosa axuda para acadar a financiación necesaria.

REVISTA NOVEMBRO

O director e guionista desta curta que mestura imaxe real con animación é Óscar Pardo. A historia ten unha estrutura narrativa que confronta a lixeireza, case naif, dos días de descanso que comparten David e Lola, afastados de todo e sen cargas á vista coa pesadez que ambos levan por dentro. Así, a ansiedade móllase no café da mañá, acompañando un almorzo longo e sen présas; e a síndrome do impostor paséase xunto a eles polo bosque nas tardes asolladas de setembro.

As personaxes protagonistas estarán interpretadas por Marta Lado e Xulio Abonjo, a música será de Guadi Galego e a animación estará dirixida polo cineasta David Fidalgo. Os cartos acadados mediante esta campaña de micromecenado, que aspira a lograr 8000€ e xa leva case un 70%, dedicaranse a mellorar as posibilidades á hora de implementar a animación sobre algunhas das secuencias, a postproducción e a distribución. A idea é que o filme estea listo para o verán de 2023.

Preme aquí para participar na campaña

Noemi Chantada e Óscar Pardo | P. Vázquez
The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.