Vigo emerxe reunirá a unha ducia de músicos locais no Museo do Mar

O sábado 28 de setembro o Museo do Mar converterase en epicentro da música local grazas a primeira edición de Vigo Emerxe. Ao longo de seis horas de música pasarán polo Museo do Mar unha ducia de artistas.

Vigo Emerxe nace para crear un espazo no que as bandas locais amosen o seu talento ante o público vigués. A localización escollida é o Museo do Mar de Galicia, onde, se o tempo o permite, montaranse dous escenarios: un interior e outro exterior. Ao aire libre poderemos gozar das actuacións de Santi Araújo, Maryland, Basanta e The Soul Jacket. Mentres que o interior dunha das naves do museo acollerá os ritmos máis urbanos con BFlecha, r. e. a. l., Kaixo, Laura Iturralde, Juanma Lodo e BabyKatze.

O obxectivo deste festival é reunir nunha mesma xornada a grupos que teñen desenvolvido a súa actividade nas últimas dúas décadas. Pero, desde a organización, capitaneada por Sin Sal Audio co apoio da Consellería de Cultura da Xunta de Galicia, quixeron facer un guiño a aqueles músicos que pese ter comezado a súa traxectoria moito antes continúan en activo. Por iso, Pablo Novoa e Nicolás Pastoriza son os encargados de completar o cartel.

O evento será de entrada libre ata completar aforo e arrancará as 18:00 horas da tarde do sábado 28 de setembro. Para facer fronte a máis de seis horas de música os asistentes poderán adquirir bebida e comida no interior do recinto.

Vigo Emerxe Museo do Mar Av. da Atlántida, 160, 36208 Vigo, Pontevedra

28set18:0023:59Vigo EmerxeFESTIVAIS E FEIRAS | De balde18:00 - 23:59 Museo do Mar

Detalles do evento

Doce bandas e artistas vigueses daranse cita o vindeiro 28 de setembro no marco de Vigo Emerxe, un gran concerto no Museo do Mar de Galicia

Máis

Detalles do evento

Doce bandas e artistas vigueses daranse cita o vindeiro 28 de setembro no marco de Vigo Emerxe, un gran concerto no Museo do Mar de Galicia co obxectivo de poñer en valor a escena musical da cidade. Esta proposta nace coa vocación de “recuperar a esencia da movida viguesa” e dar voz ao talento local.

O cartel de Vigo Emerxe inclúe nomes de artistas e bandas locais emerxentes e outros referentes dentro da escena cultural e musical da cidade como The Soul Jacket, Maryland, Basanta, BFlecha, r. e. a. l., Kaixo, Laura Iturralde, Juanma Lodo, BabyKatze ou Santi Araújo. A nómina de participantes complétase cos nomes doutros músicos da cidade cunha ampla traxectoria como Pablo Novoa, exmembro da histórica banda Golpes Bajos, ou Nicolás Pastoriza, protagonista tamén da escena musical da cidade nos anos 80 dentro do grupo Bromea o qué?. (Podes ler a entrevista que lle fixemos a cada artista nesta ligazón)

Todos eles protagonizarán preto de seis horas de música que arrancarán as 18,00 horas en dous escenarios do Museo do Mar, un situado no exterior, na zona do aparcamento, e outro no interior do inmoble, na sala de exposicións temporais. As actuacións rematarán ao fío da madrugada e a entrada será de balde ata completar aforo sen necesidade de realizar reserva previa.

Hora

(Sádado) 18:00 - 23:59

Lugar

Museo do Mar

Av. da Atlántida, 160, 36208 Vigo, Pontevedra

Ler máis no enlace | Mercar entradas

The following two tabs change content below.

• Bio
• Últimos posts

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.

Últimos posts de Tamara Novoa (ver todos)

• Iria Pinheiro achéganos á dureza do seu parto esta fin de semana na Ártika - 28 Setembro, 2019
• Vigo emerxe reunirá a unha ducia de músicos locais no Museo do Mar - 13 Setembro, 2019
• A nova edición da Desafío Bootcamp aposta pola sostenibilidade - 12 Setembro, 2019
• Broken Peach: “A xente o que lle gusta é o rock & roll, o que pasa é que non se dá de conta” - 14 Agosto, 2019
• ‘Fiesta mayor’ en Castrelos - 3 Agosto, 2019