PORTAMERICA
CAMELIAS NADAL

Vigo, cidade de cor: Maz

Publicado o por

Buscando información na Rede sobre o artista do que aquí falamos non atopamos máis que datos moi xenéricos, como que estudou Belas Artes ou que actualmente reside en Sober. A razón é sinxela: Maz prefire o anonimato, dado que, ademais de murais pagados ou con permiso, tamén pinta de xeito, digamos, alegal. Pode que tamén haxa algo de quererse manter á marxe desta tolemia que é a sociedade en que vivimos; observar e intentar comprender desde a marxe este
desenvolvemento imparable e suicida —aínda que isto é unha opinión persoal non verificada—.

O que está claro é que Maz emprega a arte como medio de expresión persoal e reflexión crítica, establecendo unha relación entre a paisaxe que habita o ser humano e as relacións socioeconómicas, o que configura unha relación tóxica na que o medio ambiente é vítima e o home é agresor. Como exemplo evidente e próximo, temos a peor traxedia ecolóxica da nosa historia, aquela acontecida o 13 de novembro de 2002, bautizada cun nome que aínda nos revolve o estómago: Prestige.

Pero tampouco fai falta ir ata desastres tan palpables. O capitalismo é un monstro de mil cabezas que se manifesta dos xeitos máis variados, e Maz busca retratar aqueles nos que a industrialización devora a natureza. Como sucede en moitas zonas da nosa cidade, onde espazos naturais fermosos e imprescindibles para a biodiversidade foron subtraídos polo home para continuar cun proceso de crecemento económico presuntamente infindo, levándonos a múltiples paradoxos. Para mostra, o mural que hoxe comentamos e a cita do autor ao respecto: «Mesturar a area da praia con cemento e levantar paredes nas que poder pintar praias que nos lembren paisaxes que sepultou o cemento».


O mural sitúase nas escaleiras de María Berdiales.

VINA COSTEIRA
The following two tabs change content below.

Juan Teixeira

Juan Teixeira é un fotógrafo documental con sede en Vigo. Cursou estudos de Publicidade e RRPP, pero pronto se decatou de que aquel non era o seu lugar. A través dunha serie de viaxes por Sudamérica e o sueste asiático, observou que a fotografía era unha forma de relacionarse e explorar o mundo dun modo moi persoal, coma un espectador que intenta comprender o que sucede ao seu redor. Desde entón intenta comprender ese mundo que o rodea, centrándose nas persoas e as súas relacións con outras persoas, coa sociedade, a natureza e o tempo e o lugar que a cada unha lles toca vivir.

Últimos posts de Juan Teixeira (ver todos)