VIALIA
bannerPicnicSesions

Vigo, cidade de cor: Elisa Capdevila

Publicado o por

Elisa Capdevila é unha moza catalá a responsable da fermosísima obra situada na Travesía de Vigo en que se pode apreciar unha muller aleitando un neno de berce. A obra destaca tanto pola gran calidade técnica como pola sensibilidade e a forza expresiva que contén.

Pero tamén se falou moito deste mural por un pequeno detalle anatómico. En verbas da propia autora: «Creádelo ou non, esta imaxe foi descartada para ser pintada noutro proxecto de arte urbana debido a que se vía o peito da muller. Así están as cousas aínda, e por iso me alegro de que sexa unha fachada tan grande a que ocupa esta imaxe dunha nai aleitando o fillo».

REVISTA ABRIL

Pois si, en pleno século XXI aínda hai xente que se molesta por ver unha nai dándolle o peito a un meniño. Xente que non se indigna porque haxa nais e fillos a morrer de fame, que se ven na obriga de botarse ao mar na busca dunha vida digna; pero resulta que molesta un acto tan fermoso como natural. Para curar tales eivas mentais, nada mellor que unha terapia de choque a grande escala.

O mural sitúase na Travesía de Vigo, á altura do número 85.

Juan Teixeira
Fotógrafo documental e xestor cultural

The following two tabs change content below.

Juan Teixeira

Juan Teixeira é un fotógrafo documental con sede en Vigo. Cursou estudos de Publicidade e RRPP, pero pronto se decatou de que aquel non era o seu lugar. A través dunha serie de viaxes por Sudamérica e o sueste asiático, observou que a fotografía era unha forma de relacionarse e explorar o mundo dun modo moi persoal, coma un espectador que intenta comprender o que sucede ao seu redor. Desde entón intenta comprender ese mundo que o rodea, centrándose nas persoas e as súas relacións con outras persoas, coa sociedade, a natureza e o tempo e o lugar que a cada unha lles toca vivir.

Últimos posts de Juan Teixeira (ver todos)