Vialia cumpre un ano e celébrao con concertos e actividades infantís

Dani, Ortiga, Eladio y los seres queridos e Pablo Lesuit actuarán no Vialia Fest, a festa do primeiro aniversario do Centro Comercial Vialia na que tamén haberá actividades infantís. A programación desenvolverase entre o 30 de setembro e o 2 de outubro e é gratuíta.

Desde o 30 de setembro ao 2 de outubro, Vialia celebrará Vialia Fest para conmemorar o primeiro ano de vida do centro comercial. Na parte musical, o centro comercial ten prevista unha axenda de concertos onde os artistas locais Dani, Ortiga, Eladio y los seres queridos e Pablo Lesuit ou Ultrafónicos serán os encargados de poñer a banda sonora. A primeira en subirse ao escenario será Dani, o venres 30 ás 19h, seguida de Ortiga ás 21h. No mesmo horario actuarán o sábado 1 Pablo Lesuit e Eladio y los seres queridos.

A zona infantil terá formato verbena e iniciarase o sábado co show Para bailar, no que os máis pequenos gozarán de karaoke infantil, pasarrúas e inchables. Na zona Ludiland, os nenos e nenas que se acheguen a Vialia Vigo a celebrar o primeiro aniversario do centro comercial poderán participar na xincana Buscando o Tesouro de Vialio. O sábado, tamén na zona Ludiland, haberá gran festa de aniversario con maquillaxe e xogos musicais. O domingo será a quenda dos xogos populares: mímica, globoflexia e pintacaras.

Outra das accións previstas no marco do primeiro aniversario serán os sorteos que se celebrarán o venres e sábado. O presentador vigués Carlos Veleiro será o artífice de escoller aos gañadores dos premios sorpresa que serán obsequiados con tarxetas regalo de Vialia Vigo.

Durante o primeiro ano de vida de Vialia Vigo leváronse a cabo máis de 545 eventos de diferente índole (culturais, deportivos, infantís, danza…) con máis de 200 días con animacións. A pantalla xigante do Food Court retransmitiu máis de 100 eventos deportivos, celebráronse múltiples talleres para os máis pequenos e leváronse a cabo numerosos espectáculos de música e danza.

The following two tabs change content below.

• Bio
• Últimos posts

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Últimos posts de Paula Cermeño (ver todos)

• Un novo ciclo de concertos en Castrelos busca artistas - 9 Maio, 2025
• Editorial Galaxia estréase no audiolibro con tres obras infantís - 9 Maio, 2025
• Cinco motivos para ir a Play-Doc - 2 Maio, 2025
• Diesemm, impulsando Vigo a través do deporte, a gastronomía e o emprendimento - 2 Maio, 2025
• Porto Café, café de especialidade e almorzos artesanais - 10 Abril, 2025