REVISTA NADAL

Vigo, cidade de cor: The Caver

Publicado o por

Que as escaleiras mecánicas e os ascensores están a facilitar nos últimos anos a mobilidade entre diferentes puntos desta nosa cidade tan vertical é unha ben agradecida por moitos veciños. Pero a mellora na mobilidade tamén se traduce nalgúns aspectos negativos, como poden ser unhas cachas máis fofas ou ausencia de cor e creatividade coa que se presentan estes mecanismos.

A loita entre o moderno e o antigo sempre estivo e sempre estará. Iso mesmo acontece coas creacións de Nuno Barbedo, que xogan entre un estilo old school de liñas clásicas, e características máis modernas, como composicións harmoniosas e asemade complexas, coloridas e audaces, a miúdo cun tema enigmático e un enfoque surrealista.

O artista lisboeta, máis coñecido como «The Caver», é un claro exemplo desa loita entre o novo e o vello, non só polo estilo, senón tamén pola forma de gañar o pan como artista. A pesar de recoñecer que gusta da liberdade de pintar na rúa, dedica gran parte do tempo a deseñar, ilustrar ou tatuar, traballando para particulares e grandes marcas. E é que os artistas tamén teñen que saber adaptarse aos novos tempos.

O mural está pintado nas escaleiras que conectan avenida da Hispanidade, entre os números 71 e 73, coa rúa de Feliciano Rolán.

The following two tabs change content below.

Juan Teixeira

Juan Teixeira é un fotógrafo documental con sede en Vigo. Cursou estudos de Publicidade e RRPP, pero pronto se decatou de que aquel non era o seu lugar. A través dunha serie de viaxes por Sudamérica e o sueste asiático, observou que a fotografía era unha forma de relacionarse e explorar o mundo dun modo moi persoal, coma un espectador que intenta comprender o que sucede ao seu redor. Desde entón intenta comprender ese mundo que o rodea, centrándose nas persoas e as súas relacións con outras persoas, coa sociedade, a natureza e o tempo e o lugar que a cada unha lles toca vivir.

Últimos posts de Juan Teixeira (ver todos)