Umami, a quintaesencia do sabor
A Taberna Umami está especializada en pratos de peixe e carne tradicionais e modernos e conta cunha apetecible carta para ceas máis lixeiras e informais, ademais de selección de viños. De cara ao Nadal ofrécenos liberdade total á hora de confeccionar o menú e a posibilidade de pechar o local só para o noso grupo.
O termo xaponés umami refírese ao quinto sabor, que gastronomía nipoa recoñece tras os catro básicos: doce, salgado, acedo e amargo, e mesmo os pode abranguer. Falamos sensacións gustativas, intensas e profundas, pero tamén equilibradas. A este concepto débelle o nome un restaurante cuxo lema é «cociña con matices, viaxes e culturas».
Umami é un establecemento especializado en carnes galegas e peixes frescos que coida de xeito especial a procedencia da materia prima. Alén dos pratos principais, a oferta compleméntase cunha carta para picar, que cambia segundo a época do ano, na que atopamos opcións tradicionais: croquetas de chacina, luras, polo crocante e lagostinos empanados, polbo… A tortilla de pataca é unha especialidade da casa á que se lle dedica un día á semana. Sen descoidar o público vegano, con diferentes opcións.
De cara ao Nadal, a taberna non propón un menú pechado senón que ofrece un servizo flexible e personalizado, elaborando menús á medida con pratos dentro e fóra de carta, como os mariscos. Aquí acéptanse grupos de entre oito e 50 persoas, a máxima capacidade do local.
@umamitaberna | rúa de Salamanca, 2 | luns a domingo, das 12:30 ás 16:00 h. Para abrir en horario de cervas, cómpre unha reserva para un mínimo de 8 persoas.
Paula Cermeño
Últimos posts de Paula Cermeño (ver todos)
- The Wild volve en setembro como a última gran festa do verán en Vigo - 12 Marzo, 2025
- Depedro, Bewis de la Rosa e Toni Acosta esta fin de semana en Vigo - 6 Marzo, 2025
- Mesturas, recuncho doce ao estilo de Nova York - 28 Febreiro, 2025
- Revista de marzo: As mulleres do pazo - 28 Febreiro, 2025
- O certame Exeria busca relatos orixinais sobre Vigo - 21 Febreiro, 2025