Lagareta by Aurora, un espazo de sabor
Lagareta by Aurora é un espazo gastronómico versátil e diferente, un concepto único na cidade de Vigo que sorprende pola súa espectacular localización, con amplos xardíns, terrazas, vistas á ría e piscina privada. Todo isto cunha cociña á altura, aberta desde a mañá á noite, e a poucos minutos da praia.
![](https://amovida.gal/wp-content/uploads/2021/09/Lagareta-by-Aurora-_12-1.jpg)
A pandemia trouxo para moitos negocios a obriga de reinventarse e os donos de Aurora, un recinto dedicado a vodas e comuñóns, decidiron converter o seu amplo e idílico espazo nun concepto máis actual, do que poder desfrutar en grupos máis pequenos e a calquera altura do ano. Naceu así en 2021 Lagareta by Aurora, un restaurante e cafetería con cociña aberta durante todo o día, que destaca polo seu inmenso xardín con piscina e vistas ás Cíes.
A súa agradable decoración e recunchos verdes fan que sexa un espazo apto para moitas ocasións: tomar vermú, uns petiscos entre amigos, pasar a tarde con nenos ou achegarse ao solpor para desfrutar con calma dun cóctel. Ademais, neste outro artigo vos falabamos das súas opcións para brunch e merenda.
![](https://amovida.gal/wp-content/uploads/2022/08/WhatsApp-Image-2022-06-23-at-11.50.18-AM.jpeg)
![](https://amovida.gal/wp-content/uploads/2022/08/WhatsApp-Image-2022-06-23-at-11.52.43-AM-1.jpeg)
![](https://amovida.gal/wp-content/uploads/2022/08/WhatsApp-Image-2022-06-23-at-11.52.43-AM-3.jpeg)
![](https://amovida.gal/wp-content/uploads/2022/08/WhatsApp-Image-2022-06-23-at-11.50.19-AM.jpeg)
![](https://amovida.gal/wp-content/uploads/2022/08/WhatsApp-Image-2022-06-23-at-11.52.42-AM-1.jpeg)
![](https://amovida.gal/wp-content/uploads/2022/08/WhatsApp-Image-2022-06-23-at-11.50.55-AM.jpeg)
Tamén é recomendable lanzarse a probar os pratos máis elaborados da carta, nunha cea informal ou unha ocasión especial. O arroz con peixe sapo e langostino, o polbo e as hamburguesas son algunhas das recomendacións dentro da súa ecléctica carta; así como as recentes incorporacións de gastronomía asiática, como as gyozas ou os roliños primavera. As opcións son moi amplas, e sempre adaptables ás esixencias de celíacos, vexetarianos ou veganos.
![](https://amovida.gal/wp-content/uploads/2021/09/Lagareta-by-Aurora-_10.jpg)
![](https://amovida.gal/wp-content/uploads/2021/09/Lagareta-by-Aurora-_2-2.jpg)
![](https://amovida.gal/wp-content/uploads/2021/09/Lagareta-by-Aurora-_6.jpg)
Aquí a comida é moi importante, pero o principal atractivo é a súa localización afastada do ruido da cidade con magníficas vistas vistas ao océano, con solpores que se poden gozar desde as tres terrazas e os xardíns. Búscase fuxir do concepto de restaurante ao uso para ser nun espazo de pracer para todos os sentidos.
Este verán o local abre a posibilidade de utilizar a piscina durante toda a tarde por un suplemento de 10€ por persoa, ou de alugala enteira para aniversarios e outros eventos, a prol dun verán moi refrescante. Para festas de aniversario, o restaurante tamén ofrece a opción de pechar un menú e reservar un dos seus espazos para continuar a festa.
Estrada de Camposancos, 347
627 48 50 78
Facebook: Lagareta
Instagram: @lagareta_by
Paula Cermeño
Últimos posts de Paula Cermeño (ver todos)
- Extraescolares a calquera idade - 29 Agosto, 2024
- The Wild Fest, TerraCeo, Meu Fest e festas en Zamáns para pechar o mes de agosto - 28 Agosto, 2024
- Volve The Wild Cinema, o festival internacional de cine e ecoloxía de Vigo - 23 Agosto, 2024
- Os vigueses elixen a mellor hamburguesa de España a partir do xoves 22 - 19 Agosto, 2024
- Percorremos os oito novos murais de Vigo Cidade de Cor 2024 - 14 Agosto, 2024