CAMELIAS MASCOTAS

O concurso municipal Vigo en Vivo quere impulsar as bandas emerxentes

Publicado o por

A Concellería de Xuventude do Concello de Vigo acaba de lanzar o concurso Vigo Vivo para impulsar os grupos que están a emerxer na cidade de Vigo. Os 15 mellores grupos tocarán en diversos espazos emblemáticos da cidade.

O Concello de Vigo convoca o concurso ‘Vigo en Vivo’ para axudar a crecer aos grupos máis novos da cidade. O prazo para participar abriu o xoves 18 de xullo e os artistas expoñeranse ante os vigueses e un xurado que escollerán aos 15 mellores. Estes grupos terán a oportunidade de dar un concerto nalgún lugar emblemático da cidade.

REVISTA NOVEMBRO

Os votantes deberán inscribirse na páxina de vigosónico e escoller aos 3 mellores. O resultado das votacións colgarase na mesma páxina co nome dos 15 finalistas que terán que actuar nas rúas e espazos públicos de Vigo. Estes concertos buscan que as bandas mostren o seu talento con cancións orixinais nunha duración mínima de 30 minutos. As datas, os sitios e as horas daránse a coñecer na mesma web.Tras esta primeira fase, volverase a facer unha segunda votación coas mesmas normas da primeira rolda. Desta segunda valoración, sairán 6 finalistas. Na gala final só o xurado votará e escollerá aos 3 gañadores do Vigo en Vivo. A data e os horarios desta final daránse a coñecer na páxina web.

Unha das normas a ter en conta é que polo menos o 50% do grupo debe estar empadroado no Concello de Vigo. Ademais os participantes non deben contar con ningún traballo musical presentado con anterioridade. A idade establecida para que os grupos podan inscribirse é que o 75% do grupo debe ter entre 14 e 35 anos.

A inscrición a Vigo en Vivo é totalmente gratuíta e para realizala tan só é necesario inscribirse en vigosonico. O prazo de inscrición ten unha duración de 15 días desde a publicación da convocatoria o 18 de xullo. Convén ler as bases antes de participar.

The following two tabs change content below.
My Twitter profileMy Instagram profile

Uxia Soliño

Iniciou os seus estudos na Filoloxía Hispánica na USC pero abandonouno cando se deu conta que a súa vocación era o mundo audiovisual. Estudando Comunicación Audiovisual na UBU e compatibiliza con UBURadio, onde dirixe e locuta Que me estás cantando. Escribiu o guion da curtametraxe 3:03 que foi galardoada a Mellor Curtametraxe de Ficción no Festival Creando 2019. Amante da fotografía, da radio, da música, dos seus e dos cans. De maior quere ser como Ángel Carmona ou Wilma Lorenzo aínda que se conforma con ser ela mesma, é fan da música e dos concertos improvisados na ducha.