RevistaOutubro

Miudiños ao monte

Co final das vacacións e as miras postas no outono, o corpo xa pide «Familias a monte». Arranca o curso, e en Miudiño poñen as botas para ir ao monte, subir os penedos, construír cabanas, dar paseos e xogar en liberdade. O ocio no exterior é vital para desenvolvemento e saúde física e emocional da cativada. Non hai mellor compaña que a da propia familia para gozar compartindo experiencias co xogo e a realización de actividades ao aire libre.

E que é «Familias a monte»? Pois é un programa de actividades na natureza para a rapazada e as súas familias. A defensa do xogo libre constitúe un dos principios do traballo desta sociedade cooperativa galega. Desde o 2017, aquí botan as tardes dos luns con grandes e pequenos co fin de compartir tempo para xogar libremente en espazos exteriores.

Banner A Movidiña

Estes grupos de xogo libre teñen lugar na zona de Freixo, na parroquia de Valadares, en fincas privadas en cesión e custodia de territorio. Ademais aquí organízanse actividades e itinerarios de educación ambiental en familia. Aproveitando a riqueza natural que nos ofrece a comarca, organízanse percorridos por diferentes praias, ríos e montes. Porque aínda que non o pareza, Vigo é moito máis que a cidade!

Horario: Xogo libre: luns, das 16:30 ás 18:30 h. Educación ambiental: un sábado ao mes, das 10:30 ás 12.30 h | Prezos: días soltos, 15,00 € por familia ao día. Grupo de xogo mensual: 48,00 € por familia ao mes. | Inscrición: eduambiental@miudinho.gal

miudinho.gal
653 02 57 08
@miudinho.scg

The following two tabs change content below.
Educadora Infantil e Educadora Certificada en Disciplina Positiva pola Asociación Española e Americana. É ademais nai de dous pequenos que, segundo di, son os que a fan medrar e aprender cada día. Encántalle a natureza e viaxar aínda que a súa maior paixón son os nenos e a infancia como demostra no seu blog Little Scaler, onde aposta pola crianza respectuosa e amosa que criar sen berros e sen castigos e posible.

Últimos posts de Lourdes Tomé (ver todos)

X