Máis hamburguesas de autor e opcións veganas na nova carta de La Urbana
A hamburguesería La Urbana destaca pola súa carne galega de alta calidade e unha carta ampla á que smpre están engadindo novidades. Recemente incorporaron dúas burgers veganas e varias opcións ao prato, así como unha aplicación propia para pedidos a domicilio.
Nun barrio ateigado de hamburgueserías, La Urbana destaca pola calidade dos seus ingredientes, coa carne de tenreira galega a protagonista indiscutible. Podemos elixir entre a tenreira 100% raza galega ou a variedade Roxa d’Ouro, procedente de Lugo e recoñecida en varias ocasións como unha das mellores carnes do mundo. Desde hai uns meses tamén contan con hamburguesas veganas, nas que o disco está elaborado só con ingredientes vexetais e cun sabor e textura moi logrados e semellante ás orixinais. Esta aposta pola excelencia esténdese ao pan artesanal acabado de enfornar, con opcións como o boliño rústico, o brioche ao estilo estadounidense e o pan sen glute. As patacas non son prefritidas e as salsas son de elaboración propia, así como os vexetais frescos proveñen de cultivos locais.
Ademais de materia prima excelente as combinacións tamén xogan un papel fundamental no éxito de La Urbana. A metade das receitas da carta son burguers de autor, creadas por chefs de coñecidos restaurantes galegos. Neste momento, podemos desfrutar das creacións de Koki García, do Mesón de Alberto; Víctor Fernández, do Morrofino; Alejandro Méndez, de Cachivaches e Héctor López, do Restaurante España. Todas elas con ingredientes e elaboracións exclusivas. La Urbana ten previsto renovar a súa carta a partir de xuño, con máis de 13 actualizacións ao longo do ano, onde as hamburguesas de autor seguirán tendo un papel protagonista. Aínda que polo momento non se revelou o nome, xa se anticipa a colaboración cun novo chef.
O local é amplo e de ambientación industrial, cunha ampla terraza semicubierta. Conta con espazo suficiente para realizar xuntanzas familiares ou de amigos con comodidade e tamén cunha zona con bonitas mesas dobres nas que desfrutar dunha tranquila cea en parella. É ademais un lugar axeitado para familias con nenos xa que dispón dunha sala de xogos equipada con piscina de bólas.
O restaurante ofrece un menú do día de luns a venres por 13,90€, que inclúe hamburguesa ou salada contundente, bebida e sobremesa ou café. Para aqueles que prefiren gozar dos seus produtos en casa, recollen encargos a través das plataformas habituais, da súa páxina web e unha aplicación propia.
Rúa Rosalía de Castro, 48 | 986 59 56 89 | @laurbanaburger | www.laurbanaburgerbar.com
Paula Cermeño
Últimos posts de Paula Cermeño (ver todos)
- Máis hamburguesas de autor e opcións veganas na nova carta de La Urbana - 4 Abril, 2025
- Pan Para Todos, o forno saudable e sen glute - 4 Abril, 2025
- Patapum, crianza con diversión e respecto - 4 Abril, 2025
- Qué Churros!, dez anos adozando Vigo - 4 Abril, 2025
- Centro Comercial Camelias: o comercio familiar resiste - 4 Abril, 2025