Colexio San Fermín
![](https://amovida.gal/wp-content/uploads/2023/01/san-fermin-981x1024.jpeg)
Naceu hai máis de medio século como academia no barrio do Calvario e mantén a mesma filosofía desde entón: a educación integral e en valores. Este pequeno centro concertado de educación infantil e primaria foi galardoado pola asociación de Centros de Galicia co Premio á Excelencia Educativa 2019. A convivencia, a estimulación e a innovación son conceptos que resoan con forza nesta escola da rúa da Travesía de Vigo.
Malia levar o nome dun santo, o colexio mantén un carácter laico. Aquí dáselle moita importancia ao contacto coas familias; tanto é así que pais, nais e demais familiares responsables poden contactar a través de WhatsApp coa titoría ou mesmo coa xunta directiva do centro. Ademais o trato co equipo docente é diario, dando pé a falar antes e despois das clases. Nestas aulas trabállase en grupo e por proxectos, hai seccións plurilingües nas clases de plástica e lévanse a cabo diversas metodoloxías como as matemáticas manipulativas ou o traballo baseado en xogos.
Con todo, o eixe central é a biblioteca. O colexio San Fermín está adherido a varios plans da Consellería de Educación para a mellora do espazo lector: clubes de lectura, un programa de lectura en familia ou mesmo unha radio específica. Posúe un comedor administrado pola empresa Calidus Catering Service. O centro ten un horario continuado, das 9:00 ás 14:00 h, cun servizo de entrada desde as 8:30 h, e ofrece actividades extraescolares das 15:30 ás 17:30 h.
Recomendamos poñernos en contacto co colexio para concertar unha cita presencial se nos interesa este centro para a nosa rapazada.
![](https://i1.wp.com/amovida.gal/wp-content/uploads/2023/02/COLEXIO-SAN-FERMIN.jpeg?ssl=1)
![](https://i0.wp.com/amovida.gal/wp-content/uploads/2023/02/COLEXIO-SAN-FERMIN-1024x1024.png?ssl=1)
Enderezo postal: rúa da Travesía de Vigo, 96
Enderezo electrónico: cpr.sanfermin.vigo@edu.xunta.es
Teléfono: 986 27 21 95
Web: colexiosanferminvigo.es
Últimos posts de Lourdes Tomé (ver todos)
- Mobility Kids: a mobilidade como centro da saúde - 10 Xullo, 2023
- Kids&Us, inglés desde o primeiro - 22 Xuño, 2023
- Un verán no xardín - 5 Xuño, 2023
- Nubes Blancas, actividades estivais adaptadas aos máis pequenos - 24 Maio, 2023
- La Fábrica Fotografía: comungando cos recordos - 14 Abril, 2023