Percorrido por diversas salas temáticas:
– Simboloxía dos oficios.
– Os tecidos.
– Peche.
– A madeira escavada.
– A luz.
– A arte de curar.
– A materialidade da fe.
– O centeo.

A rotulación dos contidos permite a realización de
percorridos autónomos.
Visitas guiadas: para grupos previa solicitude. Para o
público en xeral, os percorridos guiados realizaranse os
sábados ás 11:30 h.

Horario:

De martes a sábado : de 10:00 h. a 14:00 h
Mércores: de 10:00 h. a 14:00 h. e de 17:00 h. a 19:00 h.

Prezo das entradas:
Xeral: 2 €
Reducido: 1€ menores de 12 anos, 3ª idade, parados, estudantes e integrantes de grupos de máis de 10 persoas.
Gratuíto: menores de 6 anos; Centros de Ensino (do Concello de Vigo) e Asociacións da 3ª Idade (do Concello de Vigo); exposicións temporais e actividades que así o indiquen.

O Museo Municipal de Vigo Quiñones de León nace coa doazón do pazo ao pobo de Vigo en 1924 porque os seus propietarios dispuxeron que se debía adicar a museo. Aínda que a doazón non será definitiva ata dez anos máis tarde, a partir dese momento iníciase unha tarefa de provisión de obras e coleccións de arte que está na base das coleccións actuais.

A aspiración do museo foi e é a contextualización deste legado patrimonial no desenvolvemento da propia cidade, o que permitirá que o Museo Municipal Quiñones de León comece a funcionar como museo da cidade a todos os efeitos.

Arte: A sección de Artes está formada por máis de 1.500 obras que conforman coleccións de pintura, escultura, debuxo e estampas, e artes aplicadas.

Arqueoloxía: O museo conta entre os seus fondos con materiais procedentes dun gran número de xacementos de todas as épocas tanto de Vigo como galegos  peninsulares.

Historia: Fondos de extraordinario interese para coñecer a historia da cidade de Vigo dende o século XV ata a actualidade.

Horarios:

Martes a venres:10.00 – 14.00 h
Sábados:17.00 – 20.00 h
Domingos e festivos:11.00 – 14.00 h

Organiza: AFG Agrupación Fotográfica Galega
Datas: do 19 outubro 2018 ao 20 xaneiro 2019
Lugar: Espazo Anexo e sala vestíbulo principal
Horario:
– De martes a sábados (festivos incluídos): de 11.15 a 14.15 e de 17.15 a 20.45
– Os domingos de 11.15 a 14.15

Presentación e entrega premios XIII Edición Maratón Fotográfico

A partir do venres 19 de outubro, o Espazo Anexo do MARCO exhibirá os traballos presentados na máis recente convocatoria do Maratón Fotográfico. Organizado pola AFG Agrupación Fotográfica Galega, o Maratón chegou en 2018 á súa XXIII edición, que tivo lugar o 29 e 30 de setembro.

A presentación terá lugar o propio venres, ás 20.00, no transcurso dun acto no que os membros do xurado darán a coñecer os traballos gañadores desta edición, e entregarán os premios, acompañados por representantes do Concello de Vigo e empresas colaboradoras.

A exposición

Tomando como punto de partida esta edición 2018, os espazos do MARCO acollerán, a partir do 19 de outubro, dúas mostras representativas, a un tempo, da historia e da actualidade do Maratón.

No Espazo Anexo, na praza peonil posterior, unha mostra dos traballos presentados nesta XXIII edición do Maratón, en torno aos catro temas propostos: Calma, Múltiple, Resistencia, Inesquecible. Unha oportunidade para gozar dun conxunto de imaxes evocadoras, diferentes na súa inspiración e características formais, que cada participante escolleu para representar os catro temas en forma de serie fotográfica.

Na sala do vestíbulo principal, unha Retrospectiva 2013-2017, con selección de imaxes das series gañadoras nas cinco últimas edicións, que conforman unha mistura de temas, interpretacións, estilos e modos de transmitir a través da fotografía.

O Maratón Fotográfico e a AFG

A Agrupación Fotográfica Galega, fundada en 1946 e aberta a todos os amantes da fotografía e do cine, foi pioneira en Galicia e veu desenvolvendo dende entón un importante labor, con actividades de formación e divulgación como cursos de fotografía ou faladoiros sobre foto e cine.

Foi en 1995 cando a AFG organizou o seu primeiro Maratón Fotográfico ‘Concello de Vigo’, que daquela se incluía dentro das festas da Semana Grande. Dende entón, o Maratón nunca deixou de celebrarse, se ben cambiou varias veces de espazo de exposición, evolucionou no seu formato e duración, e adaptouse aos cambios derivados dos avances técnicos e da fotografía dixital. Hoxe en día, aberto á participación de calquera persoa interesada e afeccionada á fotografía, o certame articúlase en torno a catro eixos: 24 horas de duración, 4 temas, 20/25 series seleccionadas, e 3 series gañadoras.

O ciclo METRÓPOLE, comisariado por Rubén Martínez Alonso, nace cun dobre obxectivo: facer unha viaxe ao pasado, ao Vigo dos anos vinte, cando se estreou na cidade o filme de Fritz Lang Metropolis; e a un tempo ofrecer unha visión do panorama artístico galego actual. A proposta comprende unha serie de exposicións individuais, como visión do presente, e unha parte común a todas as mostras, como referencia do pasado.

O proxecto está concibido en dúas áreas claramente diferenciadas, tanto na montaxe como en contidos, distribuídas nos espazos do primeiro andar: por unha banda, a correspondente ao pasado, representada por unhas salas nas que, a partir da referencia ou homenaxe ao filme Metropolis, se procura recrear o ambiente da cidade de Vigo nesas décadas iniciais do século XX, mediante planos e imaxes de arquitectura vangardista, fotografías e documentos de época, xunto a mobiliario, obxectos, vestiario e pezas decorativas de estilo art déco. Por outra, a segunda mostra individual do ciclo, que se exhibe nas salas frontais.

SANTIAGO MONTES é o protagonista da segunda exposición individual do ciclo. Baixo o título Rara avis, a mostra reúne máis de corenta pinturas procedentes da colección do artista, ademais de catro obras de gran formato producidas especificamente para este proxecto, acompañadas de material audiovisual a modo de documentación do seu proceso creativo.

Martes a sábados (festivos incluidos) de 11.00 a 14.30 e de 17.00 a 21.00, domingos, de 11.00 a 14.30

Trátase dunha produción da Fundación Luís Seoane que, despois de expoñerse na súa sé n’A Coruña, visita agora Vigo. A exposición, comisariada por María Antonia Pérez e Silvia Longueira, é unha revisión do contexto histórico, político e cultural do ano 1937, no que se publica o que é o primeiro álbum de debuxos de Luís Seoane, titulada ’13 estampas de la traición’. A exposición conta con obra de Luís Seoane, Manuel Colmeiro e numerosa documentación gráfica e bibliográfica con obras de Castelao, Arturo Cuadrado, Arturo Souto, etc. Ademais dun adiovisual, realizado por Juan de la Colina, no que comenta cada unha das trece estampas.

A mostra estará ata o 24 de febreiro.

Horario:
De luns a venres: 18:00–21:00
Sábado: 12:00–14:00 e 18:00–21:00
Domingo: 12:00–14:00

A Alcaldía do Concello de Vigo converteuse xa por dereito propio nunha sala de exposicións do máis alto nivel, grazas ao traballo realizado durante o últimos dez anos a través do programa MOSTRARTE. Por estas dependencias pasaron ilustres do panorama pictórico galego ( Laxeiro, Lodeiro, Antonio Quesada, Solveira, Leopoldo Varela, Barreiro, Mingos Teixeira…) así como tamén novas promesas e creadores visuais doutras disciplinas como a fotografía ou o gravado, ata un total de 151 artistas.

O protagonismo que asume a arte e a cultura na participación social e nos procesos de transformación da cidade require desenvolver ferramentas de análises e de creación transversal cara á intervención do espazo público desde a perspectiva da cidade, dos fluxos e dos intercambios, porque no espazo público conflúen intereses diversos procedentes da comunidade local, das empresas, das institucións culturais e da sociedade en xeral. Hoxe, moitas institucións déronse conta desta realidade e é frecuente xa a existencia e apertura de espazos culturais en zonas comúns de todos os cidadáns, para apoiar directa ou indirectamente aos creadores e dar así a coñecer as súas manifestacións artísticas. Moitas veces, as propias institucións municipais ou rexionais habilitan e mesmo rehabilitan espazos que lle son propios, converténdoos en salas de exposicións e lugar de encontro para actividades culturais que non só promoven a participación cidadá senón que, moitas das veces, fan posible atesourar un patrimonio artístico da propia institución, froito das doazóns dos artistas en agradecemento por facilitarlles espazos onde mostrar as súas creacións. Esta é precisamente a razón pola que xurdiu hai 10 anos a idea de utilizar as dependencias da Alcaldía como espazo expositivo.

A exposición é aberta a todo o público, e poderase visitar durante os próximos dous meses.

A exposición está aberta ao público, e se poderá visitar durante os próximos dous meses en horario de oficina. De luns a venres de 09:00 a 13:30
Para visitas noutro horario pódese chamar antes ao 986 810 105 / 986 810 106

#AsArtistas é un proxecto creado por Ed Morgan e Davida (David Amoedo) no seo de Festival Nun Local. Naceu cunha ruta por diferentes rúas de Vigo nas que se podían atopar 34 murais con ilustracións dalgunhas das mulleres artistas que participaron nas tres primeiras edicións do Festival. O seu principal obxectivo é visibilizar o traballo da muller nos ámbitos da música, a literatura e as artes escénicas.

Ademais dos muráis de rúa, o proxecto tamén está formado por ilustracións tamaño A4, postais, marcapáxinas e un libro compilatorio, que estarán expostos dende o 16 de novembro ata o 30 de decembro no Almacén Cultural. Coa venda deste material contribúese ao financiamento do festival.

De luns a venres de 17:30 a 22:30.
Sábados e domingos pechado.

QUE É PANTOQUE ?

Pantoque é un proxecto creativo de investigación desenvolto polo artista plástico Ramón Trigo e o fotógrafo e realizador audiovisual Eduardo Armada.

Dado o seu carácter multidisciplinar, a obra inclúe pintura, debuxo, escultura, fotografía e vídeo.

O proxecto foi levado a cabo no interior das instalacións de Estaleiros Armada en Bouzas, Vigo, desde setembro do 2016 ata setembro de 2017.

A EXPOSICIÓN

Presentada inicialmente no propio estaleiro, a obra permanecerá exposta no MARCO, Museo de Arte Contemporánea de Vigo, desde o 16 de Novembro de 2018 ata o 31 de Marzo de 2019.

Horario: martes a sábados (festivos incluídos) de 11.00 a 14.30 e de 17.00 a 21.00, domingos, de 11.00 a 14.30

En PELUQart, Arte para tirarse de los pelos, clausura de exposicións,a fin dun ciclo coa exposición Memento Mori de Alexandre Folgoso.

Uns ollos que miran o chan. O vento que susurra na escuridade da noite. A luz entendida como ferida aberta. O negro que amosa un mundo en continua destrución. Nenez. Morte. Sales de prata como ataque preventivo contra esta. Aquí foi onde chegamos. Oda caníbal a decadencia do mundo que habitamos.

“Quen desexe realmente facer algo que se poña xa mans á obra […] e axude a exercer a sabotaxe” Lois Pereiro

Biografía artistas:

Alexandre Folgoso (Xinzo de Limia, 1996) é un fotógrafo graduado en Linguas Estranxeiras. Nado no capitalismo da imaxe, acredita nas sales de prata como revolta contra os procedementos dixitais que simplifican a capacidade expresiva e poética do medio fotográfico. A súa obra foi publicada en varios portais especializados e inaugura a primeira exposición individual da súa obra no espazo multidisciplinar Sara García – PELUQ art.

El Suarez, Pablo X Suárez (Siero, Asturies, 1981). Filólogo e especialista na lingua asturiana. En asturiano publicou os poemarios Asturiana Beat (Trabe, 2005), El sistema débeme una chocolatina (Suburbia, 2011) e a recopilación de relatos Yoni y yo (Suburbia, 2010) co que recibiu o Premio da Crítica de Asturias 2010; en castelán, os poemarios Pop Retórika (Glayíu, 2010), que xa vai pola terceira pequena edición, e Cómo evitar el apocalipsis (La novia de nadie, 2016). Dende 2009 organiza as Timbas Poétikas coma canle para abrir espazos á poesía pública por bares, okupas, centros sociais e aldeas do nordeste. Promove o festival de poesía oral, performance e verbena Sacavera Sound. En 2008 publica Little Babilonia (Saltadera, 2018) polo que lle foi concedido o premio Xuan María Acebal 2017, otorgado pola conseyería de cultura d’Asturies ao mellor poemario en asturiano.

Retranca, sorna ou ironía atlántica, psicodelia e costumbrismo, Budismo skinhead e aldeanismo urbanita converxen nuns versos que, a través do oxímoron e a metáfora surrealista, tentan quebrar a hexemonía do pensamento dicotómico cotián. En directo, o estilo de Suárez, a través de distintas
máscaras de tolemia, coquetea igualmente co rap e o monólogo que co mitín político ou o palique nunha tasca.

ALBA .G (Madrid, 1991) revélase autora dalgunha das obras que máis impacto tiveron no panorama asturianu dos últimos anos. Aínda que, sen dúbida, o que faría despegar a súa carreira artística sería o seu poemario erótico de proxección internacional “Estoy más buena que Dios” (La novia de nadie, 2016). En 2018 embarcouse nun novo proxecto teatral que pretende impoñer a honestidade a calqueira prezo: Concolor Couguar. Sobre o escenario… A violencia como reclamo…

“Descartada la terapia.
Descartados los ideales.
Descartadas la justicia y la amistad.
No quiero respeto. No quiero vuestro respeto. Ese respeto de gente nada respetable.
Me vais a temer o me vais a odiar.
Esa es mi apuesta literaria.”

Exposición | Alexandre Folgoso
Colabora | Versus Librería
Poesía | ALBA .G + El Suarez
Diseño Cartelería | Studio Llunik
Equipo técnico | Alejo, de Foz Films

Entrada de balde ata completar aforo.

Marga Reguenga é unha pintora viguesa que durante os últimos anos desenvolveu a súa actividade artística de forma máis ou menos permanente, colgando os seus óleos e acrílicos en salas importantes da cidade.
Chega unha vez máis a El Rincón de los Artistas, mostrándonos outra faceta do seu persoal estilo. Figuras galegas plasmadas en lenzo e madeira, con alegría e movemento, con cores directos e rostros inacabados que deixan voar a imaxinación do observador.
É un excelente momento para facerse coa obra desta magnífica pintora, en datas próximas ás festas e pensando que regalar pintura é sementar arte e cultura.

DURACIÓN: a obra permanecerá exposta desde o martes 20 de novembro ata o 20 de decembro.

Velén é o Belén de Vigo, pensado tanto para adultos como para crianzas. É o sucesor do Belén da Caixa de Aforros Municipal de Vigo (Caixanova), nacemento que en 1964 esta entidade, lle encarga o seu deseño e montaxe a Manuel Prieto un dos seus empregados e pai do actor Manuel Manquiña.

A pretensión do seu creador, é que con este belén modernista e actual, e sen olvidar por suposto, a súa esencia principal que é o Nacemento do Neno Xesús, aínda que neste caso, nunha suposta cidade de Vigo de aquela época, o público coa “interpretación” dos sucesos acontecidos, goze, e teñan un momento divertido, e por que non, para a reflexión.

HORARIOS:
Sábado 24 e domingo 25: de 11:00 a 14:00 e de 16:30 a 21:00
De luns 26 a venres 30: de 17:00 a 21:00

A Sede Afundación de Vigo abre suas portas a “Latexos na Colección de Arte Afundación”, unha nova exposición que selecciona grandes obras da colección de arte, declarada BIC pola Xunta de Galicia. Pódese visitar todos os xoves, venres e sábados ata o mes de xuño.

A exposición bascula entre un punto de vista vencellado a historia da arte, donde se asoma a diferentes técnicas artísticas, estilos e conexións na historia. Permite recorrer Galicia ou viaxar polo mundo. Ademais pódese descubrir as reflexións que agochan as obras contemporáneas, todo isto sen esquecer o papel da muller como representada e como artista.

Desde que en 1975 empezou a andar a Colección de Arte Afundación, un dos alicerces inherentes a ela foi o compromiso coa sociedade galega, apoiando a construción dun patrimonio artístico diverso e transversal, e o achegamento deste ao público, con especial atención ao infantil.

A sinerxía común, que comeza naqueles anos de Transición, leva á vertebración dun tecido artístico que foi medrando ata custodiar hoxe en día máis de 5000 obras, personalizadas nas súas múltiples variantes estilísticas e técnicas, e nun abano cronolóxico que arranca no século XIX e chega ata a actualidade. Desde a primeira produción catalogada, unha escultura de Buciños, ata as últimas pezas de artistas emerxentes, a colección de Afundación aspirou a fomentar e divulgar o coñecemento da arte no noso país, un labor referendado no ano 2015 pola Xunta de Galicia que a declarou Ben de Interese Cultural.

Di o historiador E. H. Gombrich, citado pola asesora da mostra, Mercedes Rozas, que «cada xeración rebélase dalgún xeito contra os puntos de mira do seu país; cada obra de arte expresa a súa mensaxe á súa contemporaneidade non só polo que contén, senón polo que deixa de conter». As sucesivas xeracións de artistas que dan forma a esta colección materializan coas súas intervencións constantes cambios de actuación, tanto formais como conceptuais, que actualizan a esencia do pasado con procedementos e recursos do presente, pulsando así, creación a creación, o latexar duns fondos que seguen vivos segundo a sociedade o demanda. A exposición está composta por un total de 68 pezas que reflicten a evolución dunha das coleccións de arte galega máis importantes.

A mostra conta cun completo programa didáctico dirixido a escolares de todas as etapas educativas, desde infantil ata bacharelato e ciclos formativos, e no que están xa apuntadas máis de 2500 nenas e nenos. Para reservar unha visita, cómpre contactar a través do teléfono 986 12 90 32 ou ben a través do correo electrónico
areaeducativavigo@afundacion.org.

O vindeiro sábado 1 de decembro terá lugar a inauguración da nova exposición de Marta Riera, autora da primeira historia de ilustracións de moda en España.
Esta mostra inclúe as ilustracións máis icónicas de 200 anos de ilustración de moda en España, unha obra que repasa o papel da ilustración como vehículo de transmisión de tendencias e propostas. Unha publicación de referencia que analiza a ilustración de moda no noso país a través da súa vertente histórica e artística.

Estarán expostas as súas ilustracións inspiradas nos anos 60, con Gruau á cabeza, pero tamén artistas españois fantásticos e rompedores como García Benito ou Sáenz de Tejada. “En xeral, a ilustración art deco paréceme totalmente inspiradora e hedonista, un aspecto totalmente unido á moda”, declara Marta.
Marta Rise colabora con diversos estudos de deseño e varias editoriais nacionais, é profesora na Facultade de Belas Artes de Pontevedra e en Esdemga, ademais de ser directora de arte da marca Galifornia, un proxecto que busca proxectar unha imaxe positiva da franxa atlántica, a nivel paisaxístico, cultural, tecnolóxico, empresarial… mediante soportes de merchandising e moda de produción cento por cento local.

Ademais dos seus propios deseños, Galifornia promociona o deseño de mozos creadores locais, contribuíndo á creación de riqueza e emprego rexional. A inaguración estará amenizada coa música en directo do cantautor Isaac Garabatos e os cocktails de Varadero.

Afundación convoca un ano máis o seu Concurso de beléns, un referente na tradición cultural do Nadal en Galicia que este ano cumpre a súa edición número 53. O prazo de inscrición permanecerá aberto ata o vindeiro 21 de novembro e poderá participar calquera persoa ou colectivo, podendo presentar só un belén por cada inscrición. Para a elaboración das obras pódese utilizar calquera tipo de material e deberán montarse sobre unha superficie ríxida dun metro por cada lado.
Un xurado valorará cada belén prestando especial atención á confección das figuras, a composición do conxunto, a orixinalidade, a unidade de estilo, o grao de dificultade e execución. En función da suma da puntuación acadada en cada unha destas categorías repartiranse os premios, tres individuais e tres colectivos, e ata un máximo de 10 accésits. Ademais, este ano como novidade inclúese unha nova categoría de galardón, o Premio do público que será outorgado mediante unha votación, aberta ata o 27 de decembro, na páxina da rede social Facebook de Afundación. Todos os nacementos presentados ao concurso expoñeranse ao público na Sala de exposicións do Teatro Afundación de Vigo (rúa Reconquista, s/n) do 13 de decembro ao 6 de xaneiro.

HORARIO:
11.00 a 14.00 e 17.00 a 20.30 h (ata 15 dec. só en horario de tarde)
25 de decembro e 1 de xaneiro, pechado

O fotógrafo Ricardo Grobas expón dende mañá ata o vindeiro día 17 de febreiro de 2019 no Museo do Mar de Galicia, en Vigo, unha colección de fotografías de temática mariña, tomadas en diferentes lugares do litoral galego. A mostra, titulada “Ondas do mar de Galicia. Faros e paisaxes mariñas”, será inaugurada mañá, venres, día 14 de decembro, ás 19.30 h, polo conselleiro de Cultura e Turismo, Román Rodríguez González.

“Ondas do mar de Galicia” consta de 51 fotografías de gran formato realizadas nos últimos anos nalgúns dos enclaves máis espectaculares da costa galega. Deste xeito, a mostra convida a realizar unha fascinante viaxe polos 1.500 quilómetros do litoral de Galicia, dende a desembocadura do Miño, na Guarda, ata a costa cantábrica da Praia das Catedrais, contemplando a prodixiosa beleza das rías, praias, ensenadas e cantís, e admirando a forza da natureza representada en imaxes de temporales en diversos puntos. As imaxes desta mostra, tomadas en condicións climáticas e de luz natural moi diferentes, destacan pola forza que caracteriza outros traballos de Ricardo Grobas, levado pola súa obstinación e paixón polo mar. É o caso das que dedica ao mar embravecido fronte ao faro de Cabo Home ou fronte á Torre de Hércules.

HORARIO:
Luns – pechado
Martes a venres de 10-14 e de 17 a 19
Sábados, domingos e festivos de 11-14 e de 17-20