Anainas, cosmética saudable para os cativos
Anainas nace coa inquietude de crear unha liña de cosméticos o máis saudable posible e apta para a pel dos máis cativos. Todos sabemos o sensible que pode ser a pel dos máis pequerrechos e o importante que é o seu correcto coidado. Estes produtos están especialmente deseñados para a infancia, son naturais, veganos e sostibles. As materias primas son de orixe vexetal, tales como a manzanilla, o tomillo… non teñen perfumes nin colorantes engadidos e están libres de transxénicos. De aí o seu cheiro peculiar a natureza!
Esta cooperativa formada por Raquel, Laura e Silvia busca unha forma de vivir lóxica e sinxela, creando os mínimos produtos posibles para o coidado da pel. Por esta razón a súa liña de venda está formada tan só por 2 produtos: xel & champú e crema hidratante. Garanten así a máxima calidade en cada un destes cosméticos os cales podemos adquirir de maneira individual ou en packs esenciais.
A crema hidratante facial e corporal (24,90€) está especialmente formulada para a infancia, ideal para todo tipo de peles mesmo as máis sensibles e esixentes. Apta desde o primeiro día para bebés, peques e persoas adultas. Hidratante, protectora, emoliente, antioxidante e calmante. Potencia o efecto barreira da pel e brinda alivio e protección en peles irritadas, arroibadas ou con proído. Con ingredientes naturais, sostibles e de orixe vexetal. Sen perfumes nin colorantes engadidos. Libre de transxénicos.
O Xel e Champú ( 24,90€) está igualmente deseñado para a infancia. Resulta perfecto para todo tipo de peles, mesmo as máis sensibles e problemáticas. Indicado para recen nacidos, bebés, nenos e nenas máis maiores e persoas adultas. Hidrata, suaviza e limpa con delicadeza respectando a barreira dérmica. Rexenera e restaura o equilibrio da pel e o cabelo. Achega calma e alivio á irritación, non pica nos ollos. Aclárase facilmente. Grazas aos seus principios activos orgánicos e aos seus tensioactivos suaves e naturais é ideal para todo tipo de peles. Todos os seus ingredientes son naturais, sostibles e de orixe vexetal.
O Pack esencial (47,50€), combina estes dous productos mencionados na hixiene e hidratación diaria do coidado infantil potenciando así as súas propiedades e mantendo a súa pel limpa, sa e protexida. Como dixemos anteriormente, todos os seus ingredientes son naturais, sostibles e de orixe vexetal, sen perfumes nin colorantes engadidos, libre de transxénicos. Son considerados productos veganos.
O compromiso de Anainas é tal que contribúen en diferentes proxectos que axudan a acadar os Obxetivos de Desenvolvemento Sostible das Nacións Unidas como a produción e consumo responsable co seu ecodeseño de packaging ou a inserción laboral da muller en situación de exclusión social encargándose de producir as Cestas Benvida que a Xunta dá aos recén nados nos hospitáis. Se queres coñecer un pouquiño máis desta marca galega, podes visitar a súa páxina web ou seguir os consellos ofrecidos no seu blog.
Web: www.anainas.com
Facebook: @anainas.skinpeace
Instagram: @anainas.skinpeace
Pinterest: @anainascoop
Últimos posts de Lourdes Tomé (ver todos)
- Mobility Kids: a mobilidade como centro da saúde - 10 Xullo, 2023
- Kids&Us, inglés desde o primeiro - 22 Xuño, 2023
- Un verán no xardín - 5 Xuño, 2023
- Nubes Blancas, actividades estivais adaptadas aos máis pequenos - 24 Maio, 2023
- La Fábrica Fotografía: comungando cos recordos - 14 Abril, 2023