VIALIA
HEAVY LUNGS

Vigo, cidade de cor: Ana Langeheldt

Publicado o por

Os usuarios do Auditorio Cívico de Teis teñen unha nova motivación para este curso. O culpable é o recente mural que engalana a entrada, obra da artista Ana Langeheldt, que o describe así: «Fala sobre a renovación, o feito de rexurdir e o mundo interior, mediante a simboloxía das rosas na tradición occidental. Dun xardín, onde hai unha casa moi pequeniña e illada, sae unha figura disparada como unha estrela fugaz ou un cometa cara a un destino descoñecido».

REVISTA OUTUBRO

A artista, tamén coñecida como Lahe178, é pioneira e referente na arte urbana española desde o ano 2001. Nesta obra quixo xogar cunha lectura da obra un pouco diferente á habitual: «Quixen pintalo para unha lectura de dereita a esquerda, coma se dun conto se tratase, cun tratamento similar ao dunha ilustración literaria». Unha obra peculiar que xa forma parte da exposición de arte urbana da nosa cidade.

O mural sitúase na rúa dos Irmáns Misioneiros Enfermos Pobres, á altura do número 12.

Juan Teixeira
Fotógrafo documental e xestor cultural

The following two tabs change content below.

Juan Teixeira

Juan Teixeira é un fotógrafo documental con sede en Vigo. Cursou estudos de Publicidade e RRPP, pero pronto se decatou de que aquel non era o seu lugar. A través dunha serie de viaxes por Sudamérica e o sueste asiático, observou que a fotografía era unha forma de relacionarse e explorar o mundo dun modo moi persoal, coma un espectador que intenta comprender o que sucede ao seu redor. Desde entón intenta comprender ese mundo que o rodea, centrándose nas persoas e as súas relacións con outras persoas, coa sociedade, a natureza e o tempo e o lugar que a cada unha lles toca vivir.

Últimos posts de Juan Teixeira (ver todos)