CAMELIAS MASCOTAS

Lagareta by Aurora, xardín de encontro con vistas ás Cíes

Publicado o por

De salón de vodas, bautizos e comuñóns, a remanso de paz moi preto da praia. Lagareta by Aurora é un restaurate, cafetería, xardín e espazo para eventos con moito verde, no que desfrutar con tempo e con todos os sentidos.

Afastada do ruído do centro urbano encóntrase unha das inauguracións máis sorprendentes da tempada. Os donos do Catering Don Pepe deicidiron reconventir Aurora, un espazo de eventos de salóns clásicos, nun lugar de encontro ao que poder darlle uso a diario. Eles mesmos reconverteron o mobiliario e a decoración que xa tiñan para renacer cun concepto máis actual: Lagareta by Aurora.

REVISTA NOVEMBRO

O resultado é un establecemento con cociña aberta todo o día, ao que se pode acceder a calquera hora para gozar dun brunch, un vermú ou unha cea de picoteo con amigos, ou para sentarse con calma a degustar un arroz con polbo ou unha hamburguesa… as opcións son prácticamente infinitas e adaptables a celíacos, vexetarianos e veganos. Para o dono do local, a comida é importante en Lagareta, pero non o principal atractivo. Aquí búscase fuxir do concepto de restaurante ao uso para converterse nun espazo de desfrute para todos os sentidos. De feito, xa están programando concertos cada fin de semana e outras actividades como sesións de ioga con almorzo saudable. As vistas ás Cíes desde a súa terraza e o amplo xardín con piscina completan a placenteira experiencia de achegarse a Lagareta.

Por onde empezar: Dado o amplo horario do local, o menú de Lagareta variará en función da hora en que o visitemos. Unha opción de almorzo, brunch e merenda son as tortiñas con Nutella, ou os bagels de salmón marinado, segundo nos apeteza máis doce ou salgado e para beber un zume de mazá, piña, kiwi e hortelá.

Estrada de Camposancos, 347
627 48 50 78
@lagareta_by

The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.