REVISTA ABRIL

Underfest trae a Vigo a Sam Amidon, The Dictators e John Grant

Publicado o por

Sam Amidon únese ao cartel do festival Underfest, que se celebrará en varios escenarios de Vigo os días 15 e 16 de setembro. The Dictators e John Grant participarán nos Underfest Bites en outubro e novembro.

O estadounidense Sam Amidon, unha referencia dentro da escena folk-rock americana, incorpórase ao cartel do festival Underfest . Ademais o ciclo Underfest Bites, terá como protagonistas á banda neoiorquina The Dictators, o 2 outubro, e o primeiro concerto en Galicia de John Grant, o 19 novembro. Este ciclo de concertos internacionais nace este ano coa intención de manter viva a paixón pola música en directo despois do festival.

Estes artistas únense aos 14 xa confirmados polo festival: Blood Red Shoes, _Juno, La Élite, PVA, Ciel, Queidem, LaTorre, Los Mejillones Tigre, Mueveloreina, La Perra Blanco, Yung Prado, Alex Silva, Henry Warrington e Paul Weller.

A sexta edición do Underfest celébrase os días 15 e 16 de setembro con concertos nas principais salas da cidade e propostas variadas de música internacional, galega e de diversos rincóns de España. Os abonos esgotáronse rápidamente, pero aínda é posible adquirir entradas individuais para os concertos do venres e sábado.

REVISTA ABRIL
The following two tabs change content below.

Paula Cermeño

Licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado atopala en moitos dos saraos vigueses.

Publicaciones relacionadas:

  1. Underfest Bites trae a Marah, a banda de rock favorita de Bruce Springsteen
  2. Underfest agora é Underfest Xacobeo e prepara novidades para a súa sétima edición
  3. Laura Sam: “A spoken word permite dicille á xente: ei! a poesía está actualizada!”
  4. A Escola do Rock Paredes de Coura trae a Vigo o Vira Festival