CONCERTOS CASTRELOS
DIA DE GALICIA

Swing On, reinando na pista

Elena e Jorge no festival Swing on the Sea | Foto: Sara Pista

A parella máis danzarina e inquieta da cidade, Elena Branco e Jorge Patiño, teñen un inicio de curso ben marchoso. Antes de iniciar as clases regulares en outubro, o swing aspira a conquistar a urbe durante as primeiras tres semanas deste mes. Baixo o nome «Setembro na rúa», propóñense 21 clases de jazz e lindy hop de diferentes niveis en varios espazos ao aire libre: na praza da Pedra, no Náutico fronte a estatua de Jules Verne e tamén na praza das Pontes, en Cangas. O prezo non pode ser máis popular: unha clase custa 5 euros e cinco, 20 euros. Ademais, os xoves 7, 14 e 21, a partir das 19:00, organízase un baile social aberto e gratuíto, cada día nun emprazamento, para desfrutar do swing en boa compañía á beira do mar.

Con todo o mundo motivado e cun par de pasos aprendidos, en outubro arranca o curso con múltiples horarios e unha terna de niveis, que denominan así: «desde cero», «multinivel relax» e «multinivel cañero». As clases son, igual que o ano pasado, no céntrico espazo de coworking Simia, agás o coro de swing dirixido por Rubén Fernández, que será os martes nas instalacións da cooperativa A Morada.

Unha novidade enfocada no público infantil e xuvenil é o Espazo Creativo Musical, un lugar onde a rapazada pode interactuar e experimentar con diferentes tipos de instrumentos e crear música en conxunto sen a compoñente teórica e académica dos conservatorios. O trompetista Gabriel Saitto é o encargado de guiar esta aprendizaxe para un alumnado con idades comprendidas entre os 8 e os 16 anos.

Por último, Saitto tamén vai organizar unha jam session —ou foliada swing— na sala Kominsky un mércores ao mes, coa firme intención de poñer o público a bailar. Os amantes do jazz, do swing e da música negra teñen actividades dabondo nos próximos meses para perfeccionar eses pasos de baile que van deixar a todo o mundo a pasmar.

Rúa de Afonso XIII, 9 | info@swingonvigo.com | 687 71 14 36 | swingonvigo.com | @swingonvigo

Actividades en setembro:

30set21:00Festa back to schoolESPECTÁCULOS | 6,00 €21:00(GMT+02:00) La Fábrica de Chocolate

SONRIAS

The following two tabs change content below.

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.