Shrek e a importancia de rirnos de nós mesmos
Tras ver Shrek aprendemos que dous ogros verdes que se tiran peidos e eructos poden ser tan entrañables como os típicos príncipes e princesas de conto. Unha mensaxe que a produtora galega Coda TM soubo manter e transmitir no divertido Musical de Shrek que onte pasou polo Mar de Vigo.
-
- A última visita de Shrek O Musical á cidade foi o pasado mes de outubro | Tamara N.
Onte puidemos gozar no Mar de Vigo do musical de Shrek, baseado na famosa película de Dreamworks que en 2011 gañou o Oscar ao mellor filme de animación e, que a súa vez, está baseada no libro Shrek! de William Steig.
A historia de Shrek ten transcendido por ir en contra de tódolos clixés dos filmes de animación. Aínda que hai príncipes e princesas, Shrek conta a historia de amor entre dous ogros e o que é máis importante da necesidade de aceptarnos tal como somos, coas nosas diferenzas e querernos e querer aos outros tamén.
A adaptación do filme ao musical correu a cargo da produtora galega Coda TM que conseguiu manter a esencia da historia enchendo o guión de chiscadelas á nosa actualidade e facendo bo uso da retranca galega. Coda TM contou co beneplácito nesta adaptación de DreamWorks un aval que xa anticipaba a calidade do show.
Un espectáculo de algo máis de dúas horas de duración sen pausa, que conseguiu manter aos miúdos atentos ata o fin. Os diálogos íanse combinando ao longo da función coas partes musicais. Aquelas actuacións nas que aparecían os frikies sobre o escenario eran as máis vistosas e as que máis gustaban ao público. Mención especial merece tamén o personaxe de burro, moi ben traído da película provocou a gargallada de pequenos e maiores.
Últimos posts de Tamara Novoa (ver todos)
- Cynthia Menéndez: «O Vigo industrial é máis significativo e digno que o das luces» - 25 Marzo, 2025
- María Oruña mergúllase na ría de Vigo na súa última novela - 1 Marzo, 2025
- Abre as portas A Nubeira, o novo centro social da cidade - 18 Febreiro, 2025
- Artur Puga, bailarín e músico: «Facer unha foliada en Churruca xa non se ve raro» - 31 Xaneiro, 2025
- Anxo Cabada, fotógrafo: «Pediría que o gasto das luces se reparta un pouco en cultura» - 3 Decembro, 2024