REVISTA ABRIL
Shrek en galego

Shrek e a importancia de rirnos de nós mesmos

Publicado o por

Tras ver Shrek aprendemos que dous ogros verdes que se tiran peidos e eructos poden ser tan entrañables como os típicos príncipes e princesas de conto. Unha mensaxe que a produtora galega Coda TM soubo manter e transmitir no divertido Musical de Shrek que onte pasou polo Mar de Vigo.

O pase de diapositivas require JavaScript.

Onte puidemos gozar no Mar de Vigo do musical de Shrek, baseado na famosa película de Dreamworks que en 2011 gañou o Oscar ao mellor filme de animación e, que a súa vez, está baseada no libro Shrek! de William Steig.

REVISTA ABRIL

A historia de Shrek ten transcendido por ir en contra de tódolos clixés dos filmes de animación. Aínda que hai príncipes e princesas, Shrek conta a historia de amor entre dous ogros e o que é máis importante da necesidade de aceptarnos tal como somos, coas nosas diferenzas e querernos e querer aos outros tamén.

A adaptación do filme ao musical correu a cargo da produtora galega Coda TM que conseguiu manter a esencia da historia enchendo o guión de chiscadelas á nosa actualidade e facendo bo uso da retranca galega. Coda TM contou co beneplácito nesta adaptación de DreamWorks un aval que xa anticipaba a calidade do show.

Un espectáculo de algo máis de dúas horas de duración sen pausa, que conseguiu manter aos miúdos atentos ata o fin. Os diálogos íanse combinando ao longo da función coas partes musicais. Aquelas actuacións nas que aparecían os frikies sobre o escenario eran as máis vistosas e as que máis gustaban ao público. Mención especial merece tamén o personaxe de burro, moi ben traído da película provocou a gargallada de pequenos e maiores.

The following two tabs change content below.
My Twitter profileMy Facebook profileMy LinkedIn profileMy Instagram profile

Tamara Novoa

Xornalista por vocación. Marchou a Londres estudar un master en Xornalismo Internacional e tras traballar varios anos en Barcelona nunha Asociación sen ánimo de lucro, decide volver ao seu Vigo natal. Na actualidade é unha das creadoras deste proxecto. O que lle permite desenvolver unha das tarefas polas que sinte maior paixón: contar historias relacionadas coa cultura e a movida da súa ben querida cidade olívica.