CAMELIAS MASCOTAS

Mónica Bernández e Miguel Lima: «O galego fai barrio e o barrio fai galegofalantes»

Publicado o por

[Esta entrevista foi publicada na reportaxe Á reconquista da lingua, da revista de Maio do 2019. Pincha aquí para volver ao artigo principal]

Barrio, ecoloxismo, feminismo e galego. Os catro piares nos que se sustenta a asociación sociocultural As da Industria. Unha agrupación que, mediante actividades de encontro e lecer, fomenta a igualdade, o encontro da veciñanza na rúa e o uso da lingua. Mónica Bernárdez e Miguel Lima son parte deste éxito.

Cal é o obxectivo da asociación sociocultural As da Industria?

Buscamos promover o encontro da xente nas rúas e traer actividade cultural en galego.

O galego non estaba a ser fomentado nos barrios?

O galego non estaba a ser fomentado na cidade, en xeral. As persoas que iniciamos a asociación vimos as crianzas, aínda que se lles falase en galego na casa, precisaban dun reforzo positivo.

A asociación fomenta o galego e o feminismo. Que resposta recibides a esta posición?

A asociación reúne tres cousas que son importantísimas neste momento: galego, feminismo e ecoloxismo. A acollida foi moi boa e recibimos moito apoio. Encontramos xente de fóra de Vigo que nos recoñece e que gusta do que facemos.

O galego fai barrio?

Desde logo. Ao chegarmos, de forma inconsciente, mudamos a propia fala.

Entón o barrio crea neofalantes?

REVISTA NOVEMBRO

Abofé. Gústanos falar de galegofalantes, independente de que a lingua che veña de nacemento ou non. Cremos que facer encontros de lecer nun contorno en galego é algo que anima á xente a falalo.

Que programación tedes para o 17 de maio?

Pola tarde teremos actuacións para as crianzas, un obradoiro de baile tradicional e pola noite, un concerto. Contaremos cun posto de libros de Andel, libraría que pechou recentemente.

The following two tabs change content below.

Eva M. Porto

Dende que a súa nai e o seu pai lle regalaron o libro dos por ques, decidiu que sería a nena que buscaría sempre os porqués. Estudou o Grao en estudos do galego e do español na Universidade de Vigo e no 2016 comezou o Grao de Periodismo na Universidade Europea Miguel de Cervantes. Aprendou o “oficio máis bonito do mundo” en Radio Vigo, Diario de Pontevedra e Onda Cero Ourense. Protestando dende 1993.