CONCERTOS CASTRELOS
DIA DE GALICIA

Dez plans para esta fin de semana en Vigo

Propoñemos dez plans para facer en Vigo do 15 ao 17 de setembro. Aínda quedan noites de verán e festexos ao aire libre, ao tempo que a volta á rutina chega ás salas de música e teatro que comezan a activar a súa programación. Preme no título de cada evento para máis información. Se queres coñecer todos os eventos que hai esta fin de semana entra na axenda de A Movida.

UNDERFEST – Venres e sábado en varias salas da cidade

O festival musical internacional celébrase en oito salas da cidade esta fin de semana. O máis esperado é o concerto do británico Paul Weller, lider da banda the Jam. Tamén poderemos ver a Blood Red shoes, Sam Amidon, Los mejillones Tigre ou La Perra Blanco. Os abonos están esgotados, pero hai entradas dispoñibles para os concertos por separado.

RETRO FEST – Venres e sábado de 12:00 a 20:00 h no Centro Comercial Camelias – De balde

Feira de libros, CD, vinilos e cassettes de segunda man que se celebra a terceira fin de semana de cada mes con actividades paralelas como concertos ou presentacións.

FESTIVAL REVOLTALLO – Venres e sábado en Valladares – De balde

30 edición do festival que busca promover a música emerxente e dar visibilidade a bandas galegas. Cartel dominado polos sons rock e punk no que encontramos a Pauliña, Liska!, Suevia ou  Ktulu; ademais de actividades para grandes e pequenos durante os dous días.

FESTAS DE CABRAL – Venres, sábado e domingo en Cabral – De balde

Festa popular con bandas de música, orquestras e actos relixiosos que se celebra os días 15, 16 e 17 de setembro na parroquia de Cabral. O venres pola noite actúa a París de Noia e o sábado o Combo Dominicano.

CINE AO AIRE LIBRE – Sábado ás 12:00h e ás 20:00h no CC A Laxe – De balde

O Centro Comercial A Laxe celebra Urban Fest, festival con obradoiros e cine ao aire libre durante o mes de setembro. Este sábado proxectarán ás 12:00h o filme ‘Hotel Transilvania III’ e ás 20:00h ‘Matria’, película dirixida polo vigués Álvaro Gago e interpretada por María Vázquez.

TEIS FEST – Sábado de 13:00 a 23:00 h na ETEA – De balde

Festa veciñal na praza da ETEA, con xantar poular, actuacións de música, teatro e danza e portos de artesanía. A festa rematará co concerto dos Vacalouras.

CINTAADHESIVA – Sábado ás 21:00h no Café Uf – 5,00 €

Espectáculo de poesía, música e videocreación interpretado por Silvia Penas (textos e voz) e Jesús Andrés (musica e vídeo).

VIGO DUB CLUB – Sábado ás 23:30h na Molotov – 6,00€

Inicio da sexta tempada en Vigo da sound system a cargo do colectivo Skank-fu-Hi-fi. As entradas véndense na porta do local.

SUBIDA AO MAÚXO – Sábado ás 10:00 h en Coruxo – De balde

Actividade lúdica e deportiva organizada polo CARAC de Coruxo que inclúe un roteiro guiadom polo monte pola mañá, xantar no que cada un leva o seu e xogos populares pola tarde.

EL INVENTOR DE MAGIA – domingo ás 12:30 h en Magia en la manga – 9,00 €

VIALIA

Adrián Carratalá, inventor de maxia, tres veces campión de España e gañador en 2019 do programa “Penn & Teller Fool Us” en Las Vegas, trae o seu espectáculo para toda a familia ao Espacio Magia en la Manga.