Subida ao Maúxo – A Movida

setembro, 2018

02set10:00Subida ao MaúxoANDAINA | De balde10:00 CRAC de Coruxo

Máis

Detalles do evento

O próximo domingo día 2 de setembro celebrase a andaina -un ano máis- que sube ao cume de maior altitude da parroquia de Coruxo: o Maúxo Grande. Mais nesta ocasión a camiñata vai ter un carácter especial.

A piques de se cumplir o 1º aniversario do tráxico incendio forestal, a próxima subida ao Maúxo será unha actividade para a observación e a reflexión, un roteiro interpretativo a través da paisaxe queimada. Realizaranse diversas paradas, nas cais se analizarán os efectos do lume na vexetación e no solo, o impacto sobre a fauna, os procesos de erosión que se produciron e os traballos de voluntariado realizados para intentar mitigar os seus efectos; a xestión do monte post-incendio, a recuperación vexetal e a resposta que están a manifestar os distintos tipos de árbores, o problema das especies invasoras (nomeadamente, a acacia negra e o eucalipto), o papel das árbores autóctonas na loita contra o lume, etc.

Lonxe de ser un motivo para o derrotismo, o incendio do ano 2017 ten que marcar un punto de inflexión na nosa relación co monte e co medio natural, movéndonos a idear novas formas de tratamento e restauración dos montes queimados, así como a procurar outros modelos distintos de ordenación forestal e do territorio que aumenten a capacidade de resistencia e resiliencia dos nosos espazos forestais fronte aos dous maiores desafíos que terán que afrontar no futuro: os grandes incendios forestais e a mudanza climática.

Anímaste a participar?

Ruta: 5 km

Dificultade: Media

Inscripcións a través de Whatsapp: 610 664 993

Hora

(Domingo) 10:00

Lugar

CRAC de Coruxo

Estrada Camposancos, 226, 36330 Vigo, Pontevedra

X