Consellos para elixir colexio
Co arranque do ano natural, multitude de proxenitores empezan xa a pensar no arranque do próximo ano escolar. E é que escoller a mellor escola para a nosa rapazada non é unha tarefa doada, pois depende de moitos factores. No canto de buscar o centro escolar que presente unhas estatísticas cos mellores resultados académicos, talvez se debera prestar máis atención en dar co lugar que mellor se corresponda coa crianza que lle queiramos legar á nosa prole.
O xeito máis directo para coñecer un centro educativo é acudir ás xornadas de portas abertas. Neste tipo de visita pódese reparar en aspectos como as dimensións e a disposición das aulas, o equipamento, os traballos que penduran das paredes ou mesmo a orde e a limpeza de cada recanto. As áreas de recreo deberían ser amplas e estar dotadas de zonas verdes e luz natural. Alén do proxecto educativo e a metodoloxía a seguir, un indicador clave da verdadeira filosofía dun colexio é como se abordan os problemas de conduta que se poidan dar; se se impoñen sancións, cómpre saber en que consisten. O máis adecuado é que os principios ideolóxicos do centro educativo coincidan cos da propia familia.
Unha dúbida recorrente en nais e pais debutantes é se o mellor é optar pola educación pública ou, pola contra, elixir un centro concertado ou privado. A Movida fixo unha consulta ao respecto hai un ano; preguntamos a opinión sobre cales serían as mellores escolas públicas de Vigo e os mellor valorados foron o CEIP Emilia Pardo Bazán e mais o CEIP Balaídos. En aras de axudarvos nesta decisión tan complicada, deseguido achegamos unha listaxe de colexios da nosa contorna con próximas xornadas de portas abertas.
- Colexio Alborada – Solicitando unha cita a través da web (colexioalborada.es)
- Colexio Atlántida – Luns 5 e luns 19, ás 17:30 h (colexioatlantida.com)
- Colexio Bouza Brey – Solicitando unha cita a través da web (colexiobouzabrey.com)
- Colexio Montesol – Solicitando unha cita a través da web (colexiomontesol.com)
- Colexio Quiñones de León – Solicitando unha cita a través da web (quinonesdeleon.es)
- Eleven School – Solicitando unha cita a través da web (elevenschool.com)
- Foresta – Sábado 24, ás 11:30 h (espacioforesta.com)
- San José de Cluny – Sábado 3, ás 11:00 h (clunyvigo.es)
- Semente – Solicitando unha cita a través de correo electrónico (vigo@semente.gal)
Foresta
Eleven School
CPR Quiñones de León
Colexio San José de Cluny
Colexio Montesol
Colexio Bouza Brey
Colexio Atlántida
Colexio Alborada
