REVISTA ABRIL

Baruta, unha nova etapa para os creadores de La Ruta

Publicado o por

Ricardo Antela quere continuar a boa reputación da hamburguesería La Ruta nun novo local en García Barbón: Baruta. Un restaurante no que desfrutar a todas horas do día, dun almorzo contundente, da carne no seu máximo explendor ou de especializades da súa terra natal, Venezuela.

Este local acaba de facer a súa aparición en García Barbón a zona con máis e mellores hamburgueserías por metro cadrado na cidade, pero isto non supón un problema para Ricardo Antela, todo un experto no sector: desde o 2014 estivo á fronte de La Ruta, un restaurante de comida americana que acadou sona na cidade. Mudando de local e de nome, mantén o celme: cociña norteamericana e mestiza con especialidade en hamburguesas e moito cariño en cada unha delas, algo que resulta evidente pola calidade das carnes e a elaboración caseira de todos os condimentos.

REVISTA ABRIL

Nesta nova etapa, a carta amplíase cun menú do día en que o primeiro prato está baseado na cociña venezolana (como os patacones ou as arepas torradas) e o segundo é unha hamburguesa fóra de carta, carne á grella ou un zanco de pavo asado durante horas. Pratos moi saborosos, inspirados nos estadounidenses diners e nos que a carne é a protagonista.

Á hora do almorzo saen da cociña cousas tan suculentas como gofres coroados con touciño e ovos fritidos, tortitas con froitas de temporada ou torradas con ricotta e tomates confeitados. Un festival de sabores propios dos almorzos americanos no que tamén temos alternativas máis lixeiras e saudables e un dos mellores cafés da zona.

García Barbón, 37 | 986 03 17 24 | baruta.es | @baruta.burger

The following two tabs change content below.

Paula Cermeño

Paula Cermeño é licenciada en xornalismo pola USC, pero a súa principal ocupación é viaxar. Mentres aforra para dar a volta ao mundo, traballa como redactora e xestora cultural. Gústanlle os libros, o audiovisual, o teatro e o rock and roll, por iso é doado avistala en moitos dos saraos vigueses.