Richard Hawley, ‘Terminator’, monólogos e teatro esta fin de semana en Vigo
Outra fin de semana máis Vigo ofrécenos multitude de plans do máis variados:festival de música e cine, concertos e espectáculos de teatro e comedia. Preme no título de cada evento para máis información. Se queres coñecer todos os eventos que hai esta fin de semana entra na axenda de A Movida.
GALICIAN FREAKY FILM FESTIVAL – Venres e sábado na Plaza Elíptica
O festival de cine fantástico internacional celebra a súa oitava edición. Durante a primeira fin de semana do festival proxéctanse The Terminator, A Nightmare on Elm Street e La Historia Interminable; celébrase a xornada para público miúdo Pequefreak e arrincan os bloques de curtametraxes da Selección Oficial.
FESTIVAL UNDERFEST – Venres, sábado e domingo varias salas da cidade
O festival Underfest Xacobeo celebra o seu sétimo aniversario en mellor estado que nunca. Cos abonos esgotados, mesmo antes de anunciar o cartel, o evento organizado pola empresa viguesa Sweet Nocturna trae á cidade 27 artistas de países como Arxentina, Reino Unido, Irlanda do Norte, Nova Zelanda, Estados Unidos, Chile ou Francia. Tamén hai oco para artistas estatais, galegos e mesmo locais, como é o caso de Sanny, Oscar Avendaño e Santi Araújo.
REVOLTALLO – Venres, sábado e domingo en Valladares – De balde
O festival de música máis lonxevo da cidade volve á Carballeira do Pedregal de Valadares con tres días repletos de música galega. Unha ampla e variada programación musical que vai desde o folk ata o punk rock e o metal e tamén actividades infantís. Os Vacalouras, Cobra Steel, Blue Merrow, Sun Iou ou Akarakan son algunhas das bandas que actúan.
INAUGURACIÓN DA ESCOLA CAIXA DE RITMOS – Venres ás 18:30 en Caixa de Ritmos – De balde.
Como vos contabamos neste artigo da revista, Swing On embárcase nunha nova aventura, unha escola de baile na que amplían a oferta de bailes e profesorado. Na inauguración haberá música, petiscos, un espazo de intervención artística para graffittear unha parte do local, sorteos e a gravación dun episodio do pódcast Lo que Vigo esconde.
CHARLAS ABERTAS: SERGIO PORTELA + NOVE NOEL – Venres ás 20:00 na Asociación Évame Oroza – De balde
Este venres, 20 de setembro, volven a Évame Oroza as Charlas Abertas, unha serie de conversas multidisciplinares que permitirán ao público achegarse ao traballo de artistas de diferentes disciplinas. Nesta ocasión falarese da arte pública co escultor, fotógrafo, arquitecto e paisaxista Sergio Portela e o muralista e ilustrador Nove Noel.
CONCERTO ENTRE MI ISLA Y TU PUERTO – Venres ás 20:00 no Café Uf – 10,00 €
O proxecto Nosotros, el contenedor presenta “Entre mi isla y tu puerto”, unha proposta musical da artista hispano cubana Orisel Gaspar e o artista galego Pedro Román Company.
ESPECTÁCULO CORTA EL CABLE ROJO – Venres ás 20:30 no Auditorio do Teatro Afundación – Desde 22,00 €
Espectáculo de comedia de improvisación.Corta o Cable Rojo é unha comedia excepcional que gañou o corazón do público co seu enxeño, humor contaxioso e números cómicos espectaculares.
LOS MONÓLOGOS DE LA TREUS – Venres ás 22:30 na Sinattra Club – 13,00 €
A cómica viguesa Arantxa Treus terá como convidada no seu monólogo a Patri Muñoz, unha talentosa cómica e guionista que conquistou ao público madrileño co seu enxeñoso monólogo Femininity, destacándose polo seu humor fresco e próximo.
MONÓLOGO DE DAVID CEPO – Sábado ás 20:00h no Teatro Afundación – Desde 13,80 €
Espectáculo do cómico español. A proximidade é o seu selo, e o seu obxectivo facer rir a todos os asistentes, aínda que, para el, a actitude coa que se entra na sala é importante. Como el mesmo di “Non cruces os brazos, non che entran os chistes”.
TEATRO SMOKE ON THE WATER – Sábado e domingo ás 20:00 na Sala Ártika – Desde 13,00 €
A compañía Ibuprofeno Teatro volve a Vigo co espectáculo Smoke On The Water. Ritchie (Blackmore) vive ancorado no rock and roll de los 70. Janis (Joplin) xa hai anos que non canta, estuda filosofía na universidade. A súa unión sobrevive despois de case 25 anos de crise matrimonial permanente, formando un círculo vicioso enfermizo, un sistema de relacións de dependencia imposible de desenlear.
