29 bares e restaurantes participan no concurso de petiscos Retapas
Entre o 4 e o 20 de marzo celébrase a quinta edición do concurso gastronómico Retapas, no que 29 establecementos do Casco Vello de Vigo buscan conquistar con propostas de tapas e cócteles baseadas na tradición gastronómica galega ou francesa. Nesta ocasión, os comercios da zona tamén se unen ao festín e os comensais optarán a premios participando nas redes sociais.
A festa da Reconquista de Vigo cumpre 213 anos e o Retapas, o certame gastronómico que acompaña á festa do choripán, cumpre cinco. O concurso, que terá lugar do 4 ao 20 de marzo, ámbolos dous incluidos, conta con 29 establecementos participantes, e está organizado desde a Asociación de Hosteleiros e Comerciantes do Casco Vello en colaboración coa Asociación Veciñal e Cultural Casco Vello.
En canto aos pratos que participan a oferta é, como xa é costume, moi variada, pero sendo Vigo un porto de mar, abundan os peixes e os mariscos e tamén atopamos moitos petiscos co queixo ou o porco como protagonistas. Todos eles teñen como fonte de inspiración a gastronomía galega e a francesa, e un prezo fixo de 3€.
Ademais dos pratos e bebidas, oito locais comerciais da zona participan activamente sorteando lotes de produtos das
entidades colaboradoras entre todos os clientes que realicen unha compra de calquer valor entre o 4 e o 20 de marzo.
Os establecementos que participan son: Allur, Vaidhé, O gato con Joyas, Arjeriz, Estanco Elduayen, Sweet Paripé, Black Flamingo Tattoo e Pitiusas. Tamén se sortearán lotes de produtos entre todos os que compartan en Instagram unha foto da tapa ou cóctel etiquetando a Asociación Casco Vello e Certame Retapas.
Que gañará a batalla? Decidirao un xurado conformado por representantes de diferentes sectores da nosa cidade: cultural, enogastronómico, deportivo… e tamén polos veciños e clientes dos establecementos do barrio.Estas son todas as tapas que poderemos probar durante os 16 días que dura o concurso:
Filloa de mar, de La Quesería 
Aturuxo + Grolo, de Paparrúa 
Volcán de Arzúa, de La Pintxoteca 
Samosas de cacheira, de El amante 
Red Hot Chili Peppers, de Sibarita 
La isla, de Tapería Sireno 
La teta de la libertad, de Terrabowls 
O segredo galego, de Bar Dakar 
Mimosas, de A Lareira 
Sardiña Josefa, da Taberna a Mina 
Volovant de boi de mar, de Baiuca 
Sando Katsu de brioche con carrillera e sardiña afumada, de La Central Gastro 
Taco Nós, de Cervexaría Nós
TAPAS
A Lareira, Mimosas
A Retranca, Cochinita Galega
Baiuca, Volovant de boi de mar
Bar Dakar, O segredo galego
Bella Nápoli, Unhas croquetas moi galegas
Buqué, Cañitas ao Buqué
Cervexería Nós, Taco Nós
El Amante, Samosas de cacheira
El Mosquito, Volandeira galega + ramallo de mar
Garatuxa, O porquiño polo que vale
La Central Gastro, Sando Katsu de brioche con carrilera e sardiña afumada
La Comidilla, Crêpe Adolfiño
La Contenta, A Rumorosa e La Marsellesa
La Favorita, De Rechupete
La Pintxoteca, Volcán de Arzúa
La Quesería, Filloa do Mar
La Sidrería, Canard a l’orange
Lume de Carozo, Albóndegas coas mans
Paparrúa, Aturuxo
Pintxoteca Mar, Peixe na fogueira
Polbo bar, Tortilla francesa con polbo e queixo de Arzúa
Puro Delirio, Bechamar
Sibarita, Red Hot Chili Peppers
Taberna A Mina, Sardiña Josefina
Tapería Sireno, La Isla
Terrabowls, La teta de la libertad
VHS, Cómeme o mexilón
Prezo único: 3€.
CÓCTELES
Bar Princesa, Quitapenas
La Quesería, Moi Noso
Paparrúa, Grolo
Puro Delirio, Esperta, carallo!
Sinatra Cóctel Bar, Queimagorxas
Taberna A Mina, Bloody Napoleón
Terrabowls, Randem
VHS, Mojiño
Paula Cermeño
Últimos posts de Paula Cermeño (ver todos)
- A quen queres ver en Castrelos en 2025? - 22 Novembro, 2024
- Beldade: cociña de autora en Tui - 22 Novembro, 2024
- Stoned at Pompeii, Compañía Ártika e Fran Sieira esta fin de semana en Vigo - 21 Novembro, 2024
- Batalla de bocatas en As Cunchas: ‘Friends’ ou ‘The Bear’? - 20 Novembro, 2024
- Sukha Funk evoluciona: máis vegano e a domicilio - 18 Novembro, 2024