RevistaOutubro

‘Reino da Extinción’, de Amorodio Teatro

Segundo o Instituto Galego de Estatística, máis de 1000 aldeas desapareceron en Galicia no pasado século e outras 8000 están a piques de facelo nos vindeiros anos. Como cambiou a nosa terra desde a Prehistoria até hoxe? Que significa ser galega ou galego en 2021? Estas, e outras cuestións, sérvenlle a Amorodio Teatro para crear o seu primeiro espectáculo: Reino da Extinción. A compañía emerxente formada por Alba Nogueira, Raquel Velasco, Carmen Facorro e Javier Castiñeira (todas elas egresadas da Escola Superior de Arte Dramática de Galicia), busca poñer sobre as táboas as inquedanzas sociais da súa xeración a través dunha comedia sobre a identidade galega que, en palabras do grupo,«aborda a problemática da perda do noso patrimonio inmaterial para reactivar a conciencia dun público que vai desde os 14 aos 3500 anos». Laura Porto na dirección e na dramaturxia, e Bea de Vega e Dani Rodríguez na escenografía, completan o equipo artístico neste prometedor debut escénico. Se queredes saber como foi, como é e como podería chegar a ser Galicia, achegádevos ao Auditorio Municipal de Vigo para embarcarvos nesta viaxe millennial pola nosa historia da man de Amorodio.

Data e hora: venres 1 e sábado 2; ás 20:00 h.
Lugar: Auditorio do Concello

The following two tabs change content below.

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.
X