XXVI Festa dos Callos

O evento, que comezou a súa andaina no ano 1996, chega á 26. ª edición convertida nun punto de encontro na cidade de Vigo, fomentando o turismo, a gastronomía e a cultura da terra.

Será o domingo 6 de outubro a partir das 11:00 h cando os asistentes poidan desfrutar das racións de callos a prezos populares.

Ademais, os socios da Asociación de Veciños de Beade terán a oportunidade de degustar a primeira ración de callos con bebida e pan a un simbólico prezo de 3€.

Como engadido, a música desta festa gastronómica virá a cargo do Grupo de gaitas Val do Fragoso e o grupo folk “As Escaravellas”, e, tras atender a numerosas peticións realizadas pola veciñanza, volta o “pintacaras” para os máis pequenos da casa.