PortAmérica volve ás orixes coa reunión de Deluxe

O festival PortAmérica reinvéntase para celebrar a súa novena edición: PortAmérica Origen. A Azucreira de Portas (Caldas de Reis) acollerá os días 1 e 2 de outubro os concertos do festival, que se reinicia para volver ás súas orixes. Esmerarte Industrias Creativas, empresa promotora do Festival, reúne de novo en casa a gran parte dos artistas cos que traballa e convive desde os seus inicios, ademais de homenaxear a proxectos que maduraron ou se han reformulado.

PortAmérica xurdiu no contexto da crise económica de 2012, e naquel momento convocouse ao público en torno ao emprendemento. Nesta ocasión, e tras a grave crise sanitaria, o festival quere celebrar vida, un concepto tan apartado nos últimos tempos, e reunir de novo a esta gran familia que conforman o público, os artistas, colaboradores, traballadores e organización do festival.

Un dos aspectos máis destacables desta nova edición é o cambio de localización. O festival non se move da comarca de Caldas de Reis, pero trasládase á Azucreira de Portas, a pouco máis dun quilómetro da Carballeira, a súa anterior localización, na que resulta imposible levar a cabo esta edición debido a aspectos puramente loxísticos e conxunturais. PortAmérica Origen busca primar a seguridade de todos os asistentes, tal e como leva facendo de forma exemplar o sector cultural ao completo durante a pandemia.

Entre os nomes do cartel cabe mencionar os concertos de Deluxe (a antiga banda de Xoel López, que se reúne tras trece anos desde o seu último concerto) e Le Punk (inactivos desde 2009), que se reúnen única e exclusivamente para celebrar PortAmérica Origen. Vetusta Morla, o propio Xoel López, Novedades Carminha ou Tropical Jesus ( alter ego de Carlos Sadness) serán algúns dos grandes reclamos desta edición, que completa o seu cartel con Jenny & The Mexicats, Ortiga, Eladio y os Seres Queridos, Pablo Lesuit, Furious Monkey House e La Duendeneta.