O festival Underfest se celebrará do 22 ao 24 de setembro

Este outono, Vigo acollerá unha nova edición do festival Underfest, que reúne en diferentes salas e espazos da cidade unha ecléctica combinación de propostas musicais nacionais e internacionais. Á espera de coñecer os artistas que participarán nesta nova edición os abonos xa se poden mercar na web do festival.

Tras as súas catro exitosas edicións anteriores con abonos esgotados en todas elas, o festival continúa a súa aposta por ofrecer un formato especial e coidado, cunha oferta de calidade para diferentes tipos de público. Os abonos para a quinta edición, que se celebrará do 22 ao 24 de setembro, xa están á venda na web do festival e en Ataquilla por 30€ máis gastos de xestión. Proximamente poñeranse á venda as entradas por días e daranse a coñecer os primeiros nomes do cartel deste ano.

Na súa curta traxectoria, o Underfest programou por primeira vez en Galicia artistas internacionais de referencia como Slowdive, Benjamin Clementine, Peaches, Villagers, Xeado Negro, xunto a nomes nacionais de primeiro nivel e o enorme talento local, conformaron os máis de 80 artistas que pasaron polo festival, enchendo os 21 recintos da cidade nos que se desenvolveu Underfest en tan só 4 edicións.