CAMELIAS MASCOTAS

Mussa Pilates Center: un refuxio singular

Publicado o por

Mussa destaca como un espazo de benestar que redefine a experiencia do pilates a un paso da Alameda. Partindo dun método innovador e pasando por un equipo humano e técnico moi profesional, este centro non se limita a ofrecer rutinas, senón que se converte en punto de referencia para quen busque unha auténtica experiencia de saúde e movemento.

O método pilates ou controloxía concíbese como a ciencia do movemento, abordando corpo e mente como unha entidade inseparable. Este programa de adestramento físico e mental está dirixido calquera idade e condición física e pretende mellorar a saúde e acelerar a rehabilitación física. A atención personalizada é a pedra angular do proxecto. Desde a primeira visita, implántase un protocolo de actuación que permite identificar necesidades específicas a curto e medio prazo.

A valoración inicial, unha avaliación clínica e funcional, é a base para orientar os tratamentos personalizados. Mussa é a sede en Galicia da Escola Española de Auténtico Pilates (EEDAP) e ofrece un método cunha chea de beneficios que teñen repercusión positiva na vida diaria: aumento da forza e da flexibilidade, concentración, corrección da postura, equilibrio, prevención de lesións, redución do estrés… En xeral, supón unha mellora na calidade de vida.

REVISTA NOVEMBRO

A evolución constante e o enfoque global permite que este centro desenvolva plans de acción medibles, garantindo a satisfacción de cada alumno. As instalacións, situadas nun edificio singular e histórico de Vigo, incorporan innovacións en eficiencia e sostibilidade. Unha contorna idónea en que se minimiza o impacto ambiental, optimízanse os recursos naturais e utilízanse fontes de enerxía renovable. Mussa, máis que exercicios, promove unha experiencia única onde a saúde e a atención personalizada converxen.

O destacable desta proposta radica en que os resultados se perciben de maneira palpable desde a primeira sesión, incrementándose de maneira progresiva á medida que pasa o tempo. Este enfoque integral e personalizado sitúa o centro como un referente na procura dun benestar físico e mental duradeiro desde unha perspectiva eminentemente profesional e rigorosa.

Rúa do Carral, 16 | mussapilatescenter.com | 986 13 20 71 | info@mussapilatescenter.com | @mussapilatesvigo| @escuelamussapilates

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.