Living, un festín cheo de vida
Yolanda Díez e mais o seu home, ambos os dous cociñeiros, inauguraron en 2008 este negocio cun concepto de restauración que era novo na cidade daquela, no que abundaban as fusións con cociñas asiáticas e os toques de vangarda. 12 anos despois, a dona recoñece que o establecemento está inmerso no proceso contrario, facendo por volver ás orixes, aos sabores de toda a vida, sen perder o toque divertido enche o local en cada servizo. Na carta vese o lema «Cociña viva», e o proceso de crecemento inherente á vida desta cociña acaba de sumar un novo horario: o do brunch.
Cada sábado, entre as 11.00 e as 13.00 h, a cociñeira entra na cociña, xeralmente capitaneada polo seu marido, e prepara un menú de media mañá composto por tres pratos e dúas bebidas. Todo un festín ao que paga a pena chegar con fame para desfrutalo ata o final. Para abrir boca, unha cunca de iogur grego con froitas vermellas e granola, de primeiro; de segundo, un prato salgado, a escoller entre diferentes tipos de pan con ovos beneditinos, salmón, cecina ou xamón ibérico; e para rematar, un doce: galletas, tortitas, torta de queixo, torrija… as opcións da mesa doce cambian cada fin de semana. Todo regado cunha bebida quente e un zume acabado de espremer, a escoller entre as dúas combinacións do día. A este festín hai que sumarlle o ambiente acolledor e tranquilo que o rodea, onde o comensal se encontra rodeado de plantas e decoración vintage chea de cor.
Zamora, 81 | 986 24 78 59 | livingcocinaviva.com | @livingvigo
Paula Cermeño
Últimos posts de Paula Cermeño (ver todos)
- Ziggy Alberts, Luis Zahera e Oswaldo Digón completan o cartel do Terraceo - 23 Abril, 2024
- ‘Perder a lingua’, de Eva Comesaña - 23 Abril, 2024
- Trinidad Vázquez (profesora): “Cando pasan os anos, o que recordas da túa vida escolar é aquelo que saíu da rutina” - 18 Abril, 2024
- Arte por saúde, a proposta solidaria da ONG Tierra de Hombres - 11 Abril, 2024
- O Museo do Mar achéganos ao Oroza máis persoal a través da exposición ‘En el norte hai un mar…’ - 29 Decembro, 2023