‘El diablo en la playa’, de Matarile Teatro

«Dice Roy Andersson que el plano general, el espacio que rodea a una persona, dice más de ella que su propio rostro. ¿Cómo consideraremos aquí el cuerpo, como primer plano que acompaña al rostro y conforma el prejuicio de un estereotipo? ¿O como parte del plano general que define una forma de estar y habitar? El diablo paseándose en bicicleta por las calles vacías, como ángel custodio sin cuerpo que acompañar. El errante que se equivoca y el errante que vaga sin sentido. Reunir a Claudia y a Celeste es como convocar al ángel y al demonio sin intentar definir quién es qué, quién es quién, o en qué momento son intercambiables».

Tras a estrea do espectáculo a finais do difícil ano 2020, Matarile Teatro regresa á Sala Ártika, espazo do que é compañía asociada, con El diablo en la playa, unha viaxe estética e filosófica polo teatro performativo e sensorial do grupo compostelán. En escena, Celeste González e Claudia Faci (C e C), dúas actrices, dous corpos, dúas mulleres, dous anxos, dous demos, dúas fendas que permiten que o caos, tal e como teorizou Gilles Deleuze, penetre na vida. Con dirección e textos de Ana Vallés; son e espazo escénico de Baltasar Patiño, quen ademais asina a iluminación xunto a Miguel Muñoz; e produción de Juancho Gianzo, El diablo en la playa é unha reflexión sobre o corpo, as tentacións, a arte, o desarraigo e o encontro; salpicando referencias estéticas da fotografía de Gregory Crewdson, a pintura de Edward Hopper ou o cinema de Roy Andersson. Se non queres perder este paseo diabólico da man de Matarile, achégate ao 113 da avenida da Beiramar e permite que o caos che esnaquice a rutina.

The following two tabs change content below.

• Bio
• Últimos posts

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.

Últimos posts de Ernesto Is (ver todos)

• ‘Metodoloxías carroñeras para corpos invertidos’, de VACAburra - 31 Maio, 2024
• ‘Soñar al borde del precipicio’, de Anómico Teatro - 20 Maio, 2024
• ‘Helen Keller, a muller marabilla?’, de Chévere - 5 Marzo, 2024
• ‘O raro é que bailar sexa raro’, de VACAburra - 12 Decembro, 2023
• ‘Deadpan Karaoke’, de Ibuprofeno Teatro - 6 Novembro, 2023