dani: a idade da inocencia
![](https://amovida.gal/wp-content/uploads/2022/08/Dani-A-Movida-Xullo-2022.jpg)
Sendo filla, sobriña e curmá de músicos, era moi difícil que Daniela Costas non se dedicase a isto. Rosa e Silvino, seus pais, gozaron tiveron gloria de seu nos anos oitenta con Aerolíneas Federales, onde tamén tocaba o seu tío Miguel. Agora tócalle a ela, e semella que os vinte deste milenio serán a súa década. Baixo o apelido artístico de DiCostas, participou en 2018 no concurso televisivo Factor X. Malia chegar bastante lonxe grazas á dozura que ten a súa voz, foi eliminada antes de chegar á última fase. A moza decidiu mirar o lado positivo desta experiencia («Saín en prime time e cantei o que quixen», comentou para o diario El País) e prepararse para unha nova etapa.
Un ano despois, decidiu romper co pasado e empezar desde cero: así naceu dani (si, con minúscula), un novo proxecto musical amparado polo selo discográfico El Volcán Música. En 2020, como non, publicou o álbum debut, Veinte, producido por Aaron Rux, músico experimentado que acompaña a Joe Crepúsculo en directo e no estudio.
Este fragmento pertence ao libro Son da cidade (Galaxia, 2022), escrito por Pablo Vázquez e ilustrado por Denis Carballás. Podes mercarlo na web da editorial premendo aquí.
![](https://amovida.gal/wp-content/uploads/2020/07/dani-_4.jpg)
![](https://amovida.gal/wp-content/uploads/2020/07/dani.jpg)
Pablo Vázquez
Últimos posts de Pablo Vázquez (ver todos)
- Beiramar de fondo: o pasado industrial de Vigo sae á superficie - 29 Agosto, 2024
- 12 festivais para pechar o verán e comezar o outono - 29 Agosto, 2024
- Pantomima Full, La Ruina, Héctor Alterio ou Cayetana Guillén-Cuervo visitan este outono o Teatro García Barbón - 21 Agosto, 2024
- Acampadas, artistas que non son, erros contractuais, músicos vigueses… así foi Castrelos 2024 - 19 Agosto, 2024
- Por que todos os concellos da contorna teñen festivais de jazz e Vigo non? - 6 Agosto, 2024