CAMELIAS MASCOTAS

‘Backstage’, de NegroLópez

Publicado o por
Foto: Carlota Mosquera

Un músico está a piques de dar un concerto. Prepárase entre bambolinas antes de que a xente ocupe as localidades pertinentes, pero diversas complicacións atrasan o inicio do show: non sabe onde meteu o instrumento, perde as partituras, ponse nervioso… E todo porque o director é un pallaso! Backstage é o primeiro espectáculo de NegroLópez, compañía viguesa formada polo intérprete e clown Iván Davila e polo seu partner in crime, o músico e actor Brais Iriarte.

Dentro do programa Vigocultura 2022 para esta nova temporada escénica do Auditorio Municipal, Os «negrolas» presentan unha divertida proposta familiar onde o slapstick, a música ao vivo, o mimo e a interacción co público fan as delicias de grandes e pequenos. Charles Chaplin, Buster Keaton, Jacques Tati son algúns dos referentes dos que se serve o grupo para abordar nesta montaxe temáticas tan universais e importantes como o valor da amizade, a expresión libre das emocións e a comunicación.

José Faro, alias «Coti», asina a escenografía e a iluminación deste Backstage que, en palabras da compañía, «busca amosar a poética e a tenrura duns personaxes abocados ao fracaso cos que é sinxelo identificarse». E é que, moitas veces, o mellor dos espectáculos acontece tras o pano.

REVISTA NOVEMBRO

Data e hora: domingo 16, ás 18:00 h

Lugar: Auditorio Municipal do Concello (praza do Rei)

Entradas: Giglon

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.