REVISTA ABRIL

‘Cariño’, de Vaiembora

Publicado o por

Zygmunt Bauman teorizou en Amor líquido que «o amor é a supervivencia do eu a través da alteridade do eu». Sobre esta afirmación do filósofo polaco semella asentarse o debut da compañía Vaiembora na sala Ártika: Cariño, o monólogo dramático que adapta un dos relatos da novela Invisibles, de Montse Fajardo. En escena, a actriz Grial Montes no seu primeiro papel protagonista como Sara, unha adolescente que desmitifica a idea do amor romántico a través da fuxida dun cárcere de celos e posesión que a súa exparella construíu. A montaxe fai fincapé en cuestións como a axuda psicolóxica, as relacións tóxicas na xuventude e o autocoidado. Diego Chamizo na dirección, Carmen Casal e María Torres na escenografía, Violeta Martínez na iluminación, David Vila no vestiario e Alberte Bello na caracterización, conforman o equipo da primeira produción deste grupo teatral emerxente. Se queres coñecer máis sobre a historia de Sara, achégate á sala de teatro da avenida da Beiramar neste mes de Santos no que os aforamentos en cultura, por fin, volven estar ao cen por cento de capacidade.

#016 #violenciacero #culturasegura

Data e hora: Venres 19, sábado 20 e domingo 21 ás 20.00 horas

REVISTA ABRIL

Lugar: Sala Ártika

Entrada: 14,00 € // Venda en liña e anticipada: 10,00 € + gastos de xestión

Ernesto Is
Escritor

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.