RevistaNadal

‘Por favor, ténteo novamente máis tarde’, AveLina Pérez

Posted on by

AveLina Pérez, unha das figuras máis interesantes da escena contemporánea do país, regresa ao Teatro Ensalle cunha nova proposta: Por favor, ténteo de novo máis tarde; un intento, en palabras da autora, «de supervivencia, de querer fuxir do ruído, de compartir espazo sen ollarnos mentres morremos por facelo, de buscarme e de buscarte». A creadora asina unha dramaturxia arredor do pensamento individual, anulando a posibilidade de comunicación, aínda que, de xeito paradoxal, o espectáculo propicie o encontro entre a platea e a escena. Precisamente, sobre as táboas do Ensalle, temos agora a oportunidade de á propia autora e directora da peza, xunto co intérprete Daniel Casquero. Por favor, ténteo de novo máis tarde conta coa iluminación de Pedro Fresneda, a composición musical de Ramón Raíndo e a montaxe de vídeo de Jesús Tejada. Unha proposta, con toda probabilidade, aceda, irónica, chea de denuncia e imaxes coidadas e potentes, tal e como acostuma a desenvolver, tanto na escrita como nas montaxes ao vivo, esta autora galardoada co Premio Abrente da MiT Ribadavia e co Premio Álvaro Cunqueiro para textos teatrais. «Que tal se nos miramos aos ollos?», propón. Fagámolo. Mirémola. Mirémonos.

#culturasegura #nonoscanceles

Venres 11, sábado 12 e domingo 13

20.00 h

Banner A Movidiña

Reserva de billetes en teatroensalle.com

Fotos: Manuel Forcadela

Ernesto Is
Escritor

The following two tabs change content below.
My LinkedIn profileMy Instagram profile

Ernesto Is

É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté | Revista Galega de Teatro, colabora tamén coa Revista Grial e A Movida de Vigo.
X