bannerRevistaOnline

Avelino González: “O da interpretación é un oficio moi precario”

[Dentro da programación de Vigo en Festas, Avelino González está a percorrer os barrios da nosa cidade co espectáculos: Contos de aquí. Podes consultar todas as datas da súas actuacións nesta ligazón]

Simpatía, enerxía e humildade son tres palabras que definen ao intérprete galego Avelino González. “Non son só un actor, senón tamén un contador de historias” así é como se define unha figura referente da arte dramática en Galicia. Falamos con Miñato en Padre Casares ou César en Serramoura, sobre contos, espectáculos e outras artes.

”As laranxas máis laranxas de todas as laranxas” 2004

Avelino González defínese como unha persoa polifacética disposta a actuar, contar e sobre todo, entreter. En poucas palabras “eu quero que a xente se divirta“, así o aclara o dramaturgo. Poderemos gozar da espectacularidade deste home o 3 de agosto no Café Iceberg (Teixugueiras, 29) e o 6 de agosto na Vela (Samil, 16A).

O actor vai presentar Contos de contrabando unha mestura de historias reais e inventadas, ao que Avelino engadía que “son grandes historias cotiás que non interesan pero que eu as conto igual.” É a súa forma de entreter ou a maneira na que somerxe ao público coa súa coidadosa labia a que fai que Avelino González teña unha axenda bastante apertada, aínda que como el di “non suficiente.”

Coa súa longa e abafadora traxectoria sobre e tras os escenarios e cámaras, Avelino González suma xa máis de 20 anos de experiencia que lle dan para falar e moito. “O meu oficio é moi cru e precario” así define a situación dos intérpretes no noso país. Directo e claro, así é González. Quen ademais engadiu que o seu é un traballo non moi valorado e escaso. Sobre todo, no ámbito teatral. Unha casualidade levoulle ao mundo da interpretación: “Eu suspendera selectividade en setembro e para non estar sen facer nada durante un ano, decidín apuntarme a teatro e ata hoxe”. Pero, a pesar da enerxía e positivismo que desprende con cada palabra, o camiño do dramaturgo non foi un camiño de rosas, “algunha vez pensei en deixalo porque non é un traballo fácil gústame.”

bannerRevistaOnline

O versátil actor asevera que el non podería decantarse por un único ámbito escenográfico xa que lle gusta tanto o cine, como a televisión, o teatro ou contar historias. Tanto é así que o seu curriculum vitae abarca unha ampla carreira desde ‘Seis hermanas’, pasando por ‘Serramoura’, ‘Unha hora na vida de Stefan Zweig’ e moitísimo máis.

Este percorrido deulle para coñecer a multitude de persoas do arte dramático e afirma que “volvería traballar con case todos.” Aínda que na memoria de Avelino hai tres figuras que lembra con nostalxia: “Se poidera reviviría a Pico (José Manuel Olveira), María Casares e Marisa Soto.”

A pesar de ter numerosas datas para poder gozar dos seus espectáculos, o actor asegura que “nunca é suficiente”. Commedia de Contraproducciones ou Contos de contrabando son algúns dos espectáculos que poderedes gozar en primeira persoa en diversos puntos xeográficos de Galicia este verán.

Missing Event Data
Missing Event Data

The following two tabs change content below.

Uxia Soliño

Iniciou os seus estudos na Filoloxía Hispánica na USC pero abandonouno cando se deu conta que a súa vocación era o mundo audiovisual. Estudando Comunicación Audiovisual na UBU e compatibiliza con UBURadio, onde dirixe e locuta Que me estás cantando. Escribiu o guion da curtametraxe 3:03 que foi galardoada a Mellor Curtametraxe de Ficción no Festival Creando 2019. Amante da fotografía, da radio, da música, dos seus e dos cans. De maior quere ser como Ángel Carmona ou Wilma Lorenzo aínda que se conforma con ser ela mesma, é fan da música e dos concertos improvisados na ducha.
X