Alba de cor

Se no abrente destes días enchemos a bolsa da praia coa toalla, a crema solar e a botella de auga, tampouco deberían faltar nela as lentes de sol. Protexer a vista da radiación ultravioleta sen renunciar á moda é posible cos cos modelos orixinais da marca The Graphics Project.

Despois de varios anos traballando no sector, Alba Antepazo, diplomada en Óptica e Optometría, sentiu a necesidade de emprender. En 2017 decidiu dedicarse ao deseño destes coloridos anteollos. Para isto, formou equipo canda a súa parella, David Correa, co fotógrafo Fran Cortizo e mais cun grupo de axentes comerciais. Con toda esta axuda creou unha liña de lentes de sol, graduadas ou non, que conformaron o proxecto de Graphics cunha filosofía clara: a cor nunca está de máis. Para a marca selecciónanse materiais de primeira calidade, Alba encárgase do deseño, da forma e da cor das monturas; superpoñendo tons, optando polas gamas máis intensas e xogando cos degradados nos cristais. Ademais, a boa relación de calidade e prezo logra que o exclusivo non sexa sinónimo de excluínte.

Para probar os modelos de Graphics durante estes meses de praias, furanchos e festivais, propoñemos achegarse a algún dos puntos de venda que a marca ten en Vigo: Óptica Lunic (Ronda de Don Bosco, 31), Optilens (Hispanidade, 112), Centro Óptico Amaro Quireza (Velázquez Moreno, 47), Federópticos Bernárdez (Elduayen, 22) e Vaidhé (Carral, 7). Tamén se pode visitar a web thegraphicsproject.com e escoller entre os múltiples modelos. Lentes de sol para xente con actitude nun verán que ten boa cor.

The following two tabs change content below.

• Bio
• Últimos posts

Estela Gómez

Estela naceu no 1992 preto do mar. É filóloga, escritora e correctora literaria, amiga do analóxico, a cultura e a moda vintage. No 2021 foi unha das dez escritoras seleccionadas da Residencia Literaria da Cidade da Cultura dirixida por Javier Peña. No 2025 publicou a súa primeira novela. Poderás atopar a Estela na biblioteca, no cine, no museo, no teatro, nun concerto ou no centro da cidade lendo un libro ao sol.

Últimos posts de Estela Gómez (ver todos)

• Tikismikis: cerámica con esmero - 13 Marzo, 2025
• Norat crochet, na cabeza coas mans - 21 Febreiro, 2025
• Volve escribir a man con Panda Bohème - 18 Decembro, 2024
• Nove ideas de regalo local - 5 Decembro, 2024
• Triqueta Editora, pequenos grandes lectores - 7 Novembro, 2024