CAMELIAS MASCOTAS

Alaselva, a casa-taller onde aprender divertíndose

Publicado o por

Tras deixar atrás Zoográfico, un estudio con 17 anos de traxectoria, Antía Sánchez decidiu abrir outro obradoiro, pero esta vez na súa propia casa. Situado nunha zona tranquila como é o lugar de Navia Vello eríxese un espazo artístico no que aprender e desenvolver proxectos creativos de xeito fácil e divertido.

Antía Sánchez é unha artista interdisciplinar con ampla experiencia no mundo da creación e da docencia, e domina con soltura técnicas como a cerámica, a colaxe, o debuxo ou a pintura. Desde o 2005 dá cursos en diferentes centros (universidade, fundacións, centros culturais…) e en 2008 abre Zoográfico, o seu primeiro espazo docente independente. Ali, e agora e Alaselva, imparte diferentes técnicas: lapis, carboncillo, sanguina, pastel, acrílico, acuarela, óleo e técnicas mixtas. A posibilidade do desenvolvemento de proxectos persoais é de especial interese para a docente, polo que nos últimos anos decidiu formarse en cursos de xestión de proxectos, xestión de tempo para creativos e de produtividade.

REVISTA NOVEMBRO

Alaselva bota a andar este mes de setembro como unha casa taller onde apostar polo crecemento dunha comunidade creativa, dando resposta ás necesidades individuais e tratando con mimo e empatía a ese artista interior, nun espazo único e transformador. Con ou sen experiencia, a creatividade de cada alumno crecerá de maneira respectuosa nun ambiente acolledor, acompañado de maneira próxima pola súa mentora: “Teño alumnos que xa veñen de Zoográfico cos que levo 10 anos”, comenta a docente.

Os grupos son de oito persoas como moito: “Considero que hai que coidar os tempos de cada alumno e eu adáptome a eles. Quero unhas clases máis íntimas”, apostila. A partir deste mes podemos anotarnos aos diferentes cursos: Acuarela, Arte botánica, Cadernismo, Debuxo e pintura para principiantes, Debuxo hiperrealista, e Viño e pinta. Esta última é a sesión máis particular, pintando por pura diversión cunha copa de viño na man, nun ambiente totalmente distendido: “Pareceume unha boa idea para esa xente que non ten tempo para acudir a clases de dibuxo pero si teñen a necesidade de conectar co seu artista interior”, engade Sánchez. Outro aspecto diferencial desta casa-taller son as sesións de coaching creativo, moi útiles para sacar adiante proxectos creativos ou marcas persoais:

Rúa de San Paio, 118 | 654 83 10 86 |   antiasanchez@hotmail.com | @taller_alaselva

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.