CAMELIAS MASCOTAS

Axuda a APAMP a rematar o mural de barro que están a crear no Paseo de Alfonso

Publicado o por

Achégate hoxe ao Paseo de Alfonso XII para coñecer un pouco máis de cerca o traballo de APAMP e para participar nas súas actividades. Esta 2ª Intervención Urbana da Asociación vai durar ata as 20:00 da tarde, onde poderás gozar de diferentes espectáculos e axudar a crear un mural de barro de 7 metros de lonxitude.

REVISTA NOVEMBRO

Hoxe tes ata as 20:00 da tarde para pasarte polo Paseo de Alfonso XII, onde está a ter lugar a 2ª Intervención Artística de APAMP (Asociación de Familias de Personas con Parálisis Cerebral). Debido ao éxito da edición anterior, no que a Asociación cumpría 40 anos, decidiron facer de novo esta actividade, e seguir así ano tras ano.

O evento consiste principalmente na creación dun mural de barro de 7 metros de lonxitude, no que pode participar calquera persoa, facendo algunha figuriña ou riscando directamente sobre a superficie. A organización dispón de máis de 200 kg de cerámica para facer o mural e multitude de pequenas esculturas. Unha vez rematada a obra, levarase a cocer e no plazo de entre 15 días ou un mes, se situará nunha zona do barrio de As Travesas. Ademais desta obra artística, tamén haberá actuacións, como a do grupo Alféizar pola mañá, a performance dos homes e mulleres da Asociación e o recital da poeta Nuria Abril.

A idea básica desta xuntanza é a de romper esa barreira invisible que separa a cidadanía das persoas con discapacidade, neste caso a parálise cerebral. APAMP busca que todo o mundo se achegue para pasar unha xornada de convivencia co resto da cidade.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.