UVIGO
CAMELIAS NADAL

El Atelier de Diego Caride

Publicado o por

Unha das paradas obrigadas na rúa de San Roque é El Atelier de Diego Caride, aberto hai case unha década en datas próximas ao Nadal. O primeiro que chama a atención ao entrar no local e o rico recendo e o ben que locen todos os produtos nas vitrinas. Mesmo antes de probalos, xa nos engaiolan.

Diego Caride sempre se dedicou panadería e á repostería, e abriu o seu propio local para poñer en práctica algunhas ideas que levaban tempo a roldarlle cabeza. Nas palabras do responsable do negocio: «Tratamos de ser o máis artesáns que o mercado nos permite, traballando coa materia prima máis básica para conseguir un produto bo, vistoso e saboroso».

A diferenza doutros comercios deste tipo, que tenden a ser panadarías con algo de doces, El Atelier divide os esforzos por igual entre ambos os dous eidos, logrando unha produción quizais máis reducida, pero de gran calidade: «Facemos unhas tiraxes limitadas dun pan que intentamos que sexa o máis san posible».

Caride non considera que teña un único produto estrela, senón unha oferta moi variada e equilibrada que funciona en conxunto. Con todo, destaca a boa acollida do pan «Atelier», un produto diferencial que se caracteriza por levar un mínimo de lévedo e botar tres días de fermentación; no apartado doce, destaca as porcións e as tortas individuais, deseñadas para probar diferentes variedades de pasteis dunha sentada. 

Rúa de San Roque, 101 | 986 27 65 74 | @elatelierdediegocaride

REVISTA NADAL
The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.
My LinkedIn profileMy Vimeo channel

Últimos posts de Pablo Vázquez (ver todos)