CAMELIAS MASCOTAS

UnitedWom, a app coa que aprender e compartir en comunidade

Publicado o por

UnitedWom é unha app gratuíta creada en setembro deste ano na que conectar con outras mulleres, aprender con elas e compartir coñecementos e opinións nunha contorna amable e de comunidade. En definitiva, crear redes entre mulleres, facilitando o acceso destas a diferentes tipos de actividades de lecer: deporte, cultura, coidado da mente, formación…

Acto fundacional de UnitedWom en Twelve Padel Zenter | Cedida

Detrás de UnitedWom hai un grupo de mulleres que viviron diversas etapas nas súas vidas, algunhas duras e outras felices. A viguesa María Veiga é unha das tres creadoras desta app gratuíta, pioneira no Estado, e feita para mulleres. Os obxectivos son varios: axudar a tecer redes, facilitar o acceso a certas actividades de lecer e dar a coñecer negocios da contorna. Dentro desta aplicación, dispoñible para Android e iOS, a usuaria pode propoñer actividades ou sumarse aos plans das demais, que poden ser persoas e empresas, e que poden ter que ver con actividades deportivas (pádel, sendeirismo…), co coidado da mente (mindfulness, ioga, meditación…), coa maternidade ou con actividades culturais e de ocio: «Existen moitas aplicaciónspara ligar, pero non para Facer plans xuntas e crear novas experiencias», explica a cofundadora.

REVISTA NOVEMBRO

A medida que pase o tempo as súas fundadoras agardan que a comunidade medre e que cada vez a app ofreza máis alternativas, como eventos exclusivos, viaxes, idiomas… Na web existe un apartado dirixido aos negocios colaboradores (partners) para que publiquen a través desta vía as súas actividades ou ben descontos nalgúns dos seus servizos. Tamén hai outra sección de Embaixadoras dirixido a todas aquelas mulleres que queiran colaborar de xeito activo co proxecto. Doutra banda, ademais de plans, desenvolveron recentemente a opción de crear unha historia dentro da app. Con isto, as usuarias poderán charlar dos temas que queiran e interactuar creando comunidade.

Moitos son os cambios polos que pode pasar unha muller ao longo da súa vida: descubrimento dunha nova vocación, cambios de residencia, a xubilación, a maternidade, a menopausa, cambios nos desexos, pretensións e expectativas vitais… UnitedWom funciona como punto de encontro directo para todas esas mulleres que queren mudar a rutina e coñecer xente nun círculo amable e de comunidade. Un espazo para pertencer e conectar desde os valores da amizade, o respecto e a sororidade. O apoio e a unión son alicerces que sustentan esta innovadora proposta con selo feminino e local.

unitedwom.com | hola@unitedwom.com | @unitedwom

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.