CAMELIAS MASCOTAS

O XVI Rancho de Reis enche de música e cor o centro da cidade

Publicado o por

Onte pola tarde os membros do Rancho de Reis da Asociación Veciñal do Casco Vello percorrerón as rúas do centro de Vigo, regalando aos alí presentes as súa músicas e danzas tradicionais. 

REVISTA NOVEMBRO

Os Ranchos de Reis son unha tradición galega centenaria moi común nestas datas de Nadal. En Vigo hai imaxes do Rancho do Casco Vello na década dos 50, e tiveron continuidade ata aproximadamente os 70. A partir de aí, só algunhas familias decidían saír ás rúas os días de Noiteboa, Aninovo ou Reis a cantar panxoliñas, danzar e pedir o aguinaldo.

A Asociación Veciñal do Casco Vello recuperou esta celebración fai 16 anos e ata agora a recepción está a ser moi positiva. Ademais dos Ranchos, desde novembro organizan uns obradoiros para todo aquel que se queira unir, tanto para tocar como para bailar.

A maiores do de onte, este XVI Rancho de Reis percorreu a zona do Progreso e o Calvario o día 29 de decembro e Torrecedeira e Pi y Margall o 2 de xaneiro. Onte foi a quenda da zona centro e Casco Vello, onde realizaron diferentes paradas no seu percorrido, como na Prazas da Constitución, da Princesa ou da Pedra.

The following two tabs change content below.
My LinkedIn profileMy Vimeo channel

Pablo Vázquez

Graduado en Comunicación Audiovisual pola Universidade de Vigo, é un apaixoado do cine, da música e da fotografía. É director dos documentais 'O profesor', 'The Death: el reencuentro' e 'Cuna de músicos', ademais de coautor do libro 'Son da cidade', o que lle fixo coñecer aínda máis a escena musical viguesa. Ten traballado con distintos grupos e salas da cidade, ademais de participar nos últimos anos como Xurado Novo nos festivais de cine de San Sebastián e Novos Cinemas.